«ВКП(б) БКнын ОРТО АЗИЯ БЮРОСУ» барагынын кодун көрүү

'''ВКП(б) БКнын ОРТО АЗИЯ БЮРОСУ''' [1925-жылга чейин РКП(б) БКнын Орто Азия Бюро&shy;су] – 1922-жылы апрелде РКП(б) БКнын Түркстан бюросунун ордуна түзүлгөн жетекчи орган. Анын бөлүмдөрү ж-а партиялык уюмдарга жетекчилик кы&shy;луучу аткаруу комиссиялары болгон. ВКП(б) БК бюро мүчөлөрүнүн санын белгилеген ж-а бе&shy;киткен. ВКП(б) БКнын Орто Азия бюросунун биринчи төрагасы С. И. Гусев, андан кийин 1922–24-жылдарда Я. Э. Рудзутак болгон. 1924-жылы ал кызмат ВКП(б) БКнын Орто Азия бюросунун биринчи секретары деп аталып, анда И. А. Зеленский (1924–31) ж-а К. Я. Бауман (1931–34) иштеген. 1924-жылы Бюро секретарларынын саны көбөйгөн. Орто Азия республикаларындагы партиялык-советтик уюмдарынын жетек&shy;чилери (Ф. Хожаев, А. Осмонбеков, К. Атабаев, Т. Рыскулов, Р. Исламов ж. б.) ал Бюрого мүчө болушкан. ВКП(б) БКнын Орто Азия бюросу жергиликтүү калк&shy;тан партиялык, мамлекеттик, чарба кадрларын даярдоодо зор милдет аткарган; Орто Азияда Совет бийли&shy;гин орнотууга ж-а чыңдоого, чет өлкөлүк ин&shy;тервенттерди ж-а ички революцияга каршы кый&shy;мылды басууга жетекчилик кылган. 1924–25-жылы Орто Азия элдеринин улуттук-мамлекеттик бөлүнүшү, республикалардын ж-а республикалык компартиялардын тү&shy;зүлүшү, 1924–29-жылдарда жер-суу реформаларын жүр&shy;гүзүү, эл чарбасын өнүктүрүү, аялдар азаттыгы&shy;на байланыштуу маселелерди чечүүгө байланыш&shy;туу иштер, ошондой эле индустриялаштыруу, коллек&shy;тивдештирүү ж-а маданий революция Бюронун жетек&shy;чилиги м-н аткарылган. 1936-жылдан Орто Азия ж-а Казакстанда өз алдынча Коммунисттик партиялары ж-а алардын борбордук комитеттери иштей баштагына байланыштуу Орто Азия бюросунун зарылдыгы болбой калган. 1939-жылы Бюро ВКП(б) БКнын чечими боюнча жоюлган. 

''К. Дүйшөналиев.''
[[Category: 2-том, 500-554 бб]]