«ВЕРОНА» барагынын кодун көрүү

'''ВЕРО&#769;НА ''' – Түндүк Италиядагы шаар. Венеция облусунда, Верона провинциясынын административдик борбору. Калкы 258,0 миӊ (2019). Адиже дарыясынын боюнда. Альп тоолорундагы Бреннер ашуусун өрдөй берген жердеги жолдор тоому. Б. з. ч. 3-кылымдан белгилүү, б. з. ч. 89-жылдан Рим колониясы. Верона 12-кылымда шаар-мамлекет болгон. 1405-жылдан Венециянын ээлиги. 1797-жылы Венеция менен бирге Австрияга, 1866-жылы Италия королдугуна кошулган. Экинчи дүйнөлүк согушта катуу талкаланган. Байыркы рим театры (б. з. ч. 1-кылымдын аягы), чептердин калдыктары, Понте-Пьетра көпүрөсү, роман стилиндеги курулуштар,<br/>
[[File:ВЕРОНА110.png | thumb | Сан-Дзено-Мажоре чиркөөсү.]]
соборлор, чиркөөлөр, Кастелвеккьо сепили (14-к.; Скалигер көпүрөсү м-н) ж. б. сакталган. Шаардын эски бөлүгү ''Бүткүл дүйнөлүк мурастын'' тизмесине кирген. Музейлер, заманбап сүрөт галереясы, филармония, театрлар бар. Италиянын тамак-аш өнөр жайынын ири борбору (эт, балык, шарап, кондитер азыктары). Түстүү металлургия (цинк ж-а коргошун эритилет), машина куруу (айыл чарба, электроника ж. б.), химия (резина техника буюмдары, пластмасса), полиграфия, текстиль, тигүү, бут кийим, жыгаччылык, кагаз, эмерек өнөр жай ишканалары иштейт.
[[Category: 2-том]]