«БОМАРШЕ Пьер Огюстен Карон де» барагынын кодун көрүү

'''БОМАРШЕ ''' Пьер Огюстен Карон де (24. 01. 1732, Париж – 18. 05. 1799, ошол эле жер) – француз драматургу. «Евгения» (1767), «Эки дос» (1770) драмаларында өз заманындагы коомдук теӊсиздикти чагылдырган. Анын «Мемуарлары» (1773–1774) – ошол кездеги сот ишин жүргүзүүдөгү адилетсиздикти аёосуз ашкерелеген сатиралык памфлет. Бомаршенин драмалык чыгармаларынын туу чокусу – «Севильялык чачтарач» (1775), «Фигаронун үйлөнүшү» (1784) аттуу комедиялары. Бомарше «Айыптуу эне» (1792) аттуу пьесасында өткүр сатирадан мелодрамага өткөн. «Севильялык чачтарач» комедиясына Ж. Россини (1816), «Фигаронун үйлөнүшү» комедиясына В. А. Моцарт (1786) опера жазып, дүйнөлүк театр сахналарында коюлууда.

[[File:БОМАРШЕ2.png | thumb | <center>П. О. К. де Бомарше. Ж. М. Натьенин портреттик иши<br />(1755). Өздүк коллекция.</center>|left]]
[[Файл:Бомарше.jpg|thumb]]
[[Category: 2-том]]