«БЕЙШЕЕВ Үсөн» барагынын кодун көрүү

'''БЕЙШЕЕВ''' Үсөн [10. 10. 1920, [[РСФСР]], [[Түркстан АССРи]], [[Жети-Суу облусу]], [[Пишпек уезди]] (азыркы [[Нарын облусу]], [[Кочкор району|Коч&shy;кор району]], [[Теңдик кыштагы]]) – 12. 09. 1982, ошол эле жер&shy;] – Даңк орденинин толук кавалери. Айылдык мектептен 10-классты бүтүрүп, Кочкор айыл кеңешинде катчы болуп иштеген. Советтик Армиянын катарына 15. 08. 1942-жылы [[Тянь-Шань облусу]]нун Кочкор райондук аскер комисариаты тарабынан чакырылып, Фрунзе шаарындагы жөө аскерлер окуу жайынын артиллериялык курсун бүтүргөндөн кийин 1943-жылы февраль айында фронтко жөнөтүлгөн.

[[File:БЕЙШЕЕВ2.png | thumb | none]]Алгач 65-армиянын (кийинки 8-гвардиялык) 27-гвардиялык аткычтар дивизиясынын 83-гвардиялык аткычтар полкунда кызмат өтөп, 3-Ук&shy;раина жана 1-Белорус фронт&shy;торунда [[Стралинград]]дын алдынан баштап, [[Курск салгылашуусу]]на, андан [[Украина]], [[Белоруссия]] жана [[Польша]]ны бошотуп, [[Берлин]]ди алууга катышкан. 06. 03. 1944-жылы Красный кыштагы ([[Украина ССРи]], Днепропертровск облусу) үчүн 3-дара&shy;жадагы (№ 31158), 17. 03. 1945-жылы Польшадагы Головачув (Головлув) шаарын бошотуудагы баатырды&shy;гы үчүн 2-даражадагы (№ 28273), 16. 04. 1945-жылы Зеелов бекемделген районун ([[Германия]]) алуудагы эрдиги үчүн 1-даражадагы (№ 1152) Даңк ордендери менен сыйланган. Согуштан кайтып келгенден кийин (1946) өзү туулган айылда жайыт чарбасы, райондук финансы бөлүмү ж. б. сыяктуу кызматтарда иштеген.

Ад.: Алымкулов Н. А. Кыргызстанцы – герои Советского Союза и полные кавалеры Ордена Славы: новые факты, имена. Б., 2025.
[[Category: 2-том, 146-225 бб]]