«БАСЫМ МЕНЕН ИШТЕТҮҮ» барагынын кодун көрүү

'''БАСЫМ МЕНЕН ИШТЕТҮҮ ''' – машина тетиктерин жана металл буюмдарды сомдоо же штамптоо жолу менен даярдоо. Көбүнчө самолёт, автомашина, тепловоздун тетиктери ''сомдоо'' жана штамптоо менен жасалат. Тетиктерди даярдоодо түрдүү өлчөмдөгү барскан менен штамптар кеӊири пайдаланылып, темирчилик-штамптоо өндүрүшүндө даярдалат. Машина менен сомдоодо чоӊ басым астында иштөөчү 100 ''кг''дан 10000 тга чейинки ''барскан, гидравликалык пресстер'' колдонулат. Тетиктерди сериялык жана массалык түрдө иштеп чыгаруучу өндүрүштө ысык жана муздак штамптоо кеӊири жүргүзүлөт. Штамптоо процессинде негизги аспап – штамп, ал аспаптык болоттон жасалат. Штамптоо иштери сомдоочу машинада жана ысык штамптоочу прессте жүргүзүлөт.
[[Category: 2-том]]