«БАЛДАР КЫЛМЫШТУУЛУГУ» барагынын кодун көрүү

'''БАЛДАР КЫЛМЫШТУУЛУГУ '''– балдардын коомго жат, коркунучтуу аракети. Ал начар тарбиялануудан, жумушсуздуктан, келечекке ишенбөөчүлүктөн, билим алуу кыйынчылыкта&shy;рынан же кылмышкерлердин азгыруусунан улам пайда болот. Мындай кылмыштуулукка каршы мыйзамдар бар. Мыйзамда көрсөтүл&shy;гөндөй, белгилүү куракка келгичекти балдар кылмыш жоопкерчилигине тартылбайт. Балдар кылмыштуулугу жөнүндөгү арыз укук коргоо бөлүмдөрүнө берилет. Балдар кылмыштуулугу өспүрүм куракка чейинки кылмыштуулук&shy;тан айырмаланып, 14 жаштан 18 жашка чейинки өспүрүмдөр тарабынан жасалган кыл&shy;мыштар жыйындысы катары каралат. Кылмыш жасаганда 18 жашка толбогондор жашы жет&shy;пегендер деп эсептелет. 16 жашка толгон бал&shy;дарга жаза белгиленет же тарбиялык таасир берүүнүн мажбурлоочу чаралары колдонулушу мүмкүн. 14 жашынан тартып адамдар төмөндөгү кылмыштар: киши өлтүрүү, саламаттыкка ата&shy;йылап оор же анча оор эмес залал келтирүү, адамды уурдоо, зордуктоо, сексуалдык зомбу&shy;лук аракеттер, мал уурдоо, тоноо, каракчылык, башка бирөөнүн мүлкүн ири өлчөмдө уурдоо, опу&shy;залап талап кылуу, автотранспорт каражатын укуксуз ээлеп алуу, өрттөө же башка жалпыга коркунучтуу ыкмада мүлктү атайылап жок кылуу же зыянга учуратуу, терроризм, барымтага кармоо, оордотуучу жагдайлардагы зөөкүр&shy;дүк (хулиганчылык), вандализм, куралдарды, ок-дарыларды, жардыргыч заттарды уурдоо же опузалап талап кылуу, башкага берүү максатында баңги каражаттарды же психотроптук заттарды мыйзамсыз даярдоо, алуу, сактоо, ташуу, жөнөтүү, уурдоо, опузалап талап кылуу, транспорт каражаттарын, жол байланышын жарак&shy;сыз абалга келтирүү кылмыштары боюнча жооп&shy;ко тартылышат. Кылмыш жасаган жашы жет&shy;пегендерге жазанын айрым түрлөрү гана колдо&shy;нулат. 

''К. Бодобаев''. [[Category: 2-том, 1-69 бб]]