«БАЙСЕИТОВА Куляш Жасын кызы» барагынын кодун көрүү

'''БАЙСЕИТОВА''' Куляш (өз аты – Гүлбахрам) Жасын кызы [19. 04 (2.5). 1912, Верный (азыркы Алматы шаары) – 06. 06. 1957, Москва; сөөгү Алма&shy;тыга коюлган] – казак ырчысы (лирика-коло&shy;ратуралык сопрано); казактын опера өнөрүнө негиз салгандардын бири. СССР эл артисти (1936). Байсеитова ыр&shy;чылык ишин көркөм чыг&shy;армачылык ийриминен баштаган. 1934-жылдан музыкалык театр&shy;дын, 1937-жылдан Казак (азыркы Абай атындагы) опера жана балет театрынын солис&shy;ти болгон. Е. Брусиловский&shy;дин «Кыз Жибек», «Эр Тар&shy;гын», М. Түлебаевдин «Бир&shy;жан менен Сара» (СССР мамлекеттик сыйлыгы, 1949) жана башка көптөгөн опералардагы башкы партиялар&shy;дын эң алгачкы аткаруучусу. Орус жана Батыш Европа классиктеринин операларын казак улуттук театр сахнасына чыгарууда зор эмгек сиңирген. Байсеитова репертуарында: Татьяна (Чайков&shy;ский, «Евгений Онегин»), Чио-чио-сан (Ж. Пуч&shy;чини, «Чио-чио-сан», СССР мамлекеттик сыйлыгы, 1948) жана башкалар. Ал ырчы катары өз алдынча концерттерди берген. Казак ССР Жогорку Советинин (1–2- шайланышы) депутаты. Ленин, Эмгек Кызыл Туу ор&shy;дендери жана медалдар менен сыйланган.

[[File:БАЙСЕИТОВА15.png | thumb | none]]
[[Файл:Кыз-жибек.jpg|left|thumb|254x254px|Куляш Байсеитова «Кыз-Жибек» операсында]] 


[[Category: 2-том, 1-69 бб]]