«АЯЛДЫН ЖЫНЫС ОРГАНДАРЫ» барагынын кодун көрүү

'''АЯЛДЫН ЖЫНЫС ОРГАНДАРЫ''' ‒ кишинин көбөйүү кызматын аткаруучу мүчөлөрү. Алар ички <span cat='ж.кыск' oldv='ж-а'>жана</span> сырткы болуп бөлүнөт. Ички жыныс органдар жыныс гормондорун бөлүп чыгарып, ал ''гормондор'' канга өтүп, организмдеги маанилүү процесстерди башкарат, аялга таандык экинчи белгилердин өсүп жетилишин жөнгө салат. Аларга энелик без, жатын, жатын түтүкчөсү, жатын кыны, чоӊ <span cat='ж.кыск' oldv='ж-а'>жана</span> кичине жыныс эрини кирет. Энелик без ‒ жатындын эки жагында жайгашкан жуп жыныс бези. Ал жатынга кыймылдуу бекип турат. Анда жыныс клетка ‒ энелик клетка өөрчүйт, ошондой эле жыныс органдарынын нормалдуу иштешине <span cat='ж.кыск' oldv='ж-а'>жана</span> экинчилик жыныс белгилерине (үндүн өзгөрүшү, эмчектин чыгышы ж. б.) таасир этүүчү гормонду иштеп чыгарат. Энелик бездин иши аялдын жашына <span cat='ж.кыск' oldv='ж-а'>жана</span> бүткүл организмдин функциялык абалына жараша болот. Жатын түтүкчөлөрү энелик без сыяктуу эле жатындын эки жагында жайгашкан. Ал ич челинин бүктөмүнөн орун алган. Оӊ түтүкчө солго караганда узунураак. Эгерде уруктанган энелик клетка жатын түтүгүндө токтоп калса, жатындан тышкары бойго бүтүү болот (кара. ''Жатындан тышкары бойго бүтүү''). Жатын түтүгү түйүлдүктүн чоӊоюшуна ылайыкталган эмес, ошондуктан ал жарылып кетиши мүмкүн. Жатын ‒ булчуӊдуу көӊдөй орган (кара. ''Жатын).'' Жатын кыны түтүк сымал, булчуӊдуу, узундугу 7‒9 ''см'' көӊдөйчө. Ал үч катмардан турат. Аялдын сырткы жыныс органына чоӊ <span cat='ж.кыск' oldv='ж-а'>жана</span> кичине жыныс эриндери кирет.<br>
[[Категория:1-Том]]