«АНТИГИТЛЕРДИК КОАЛИЦИЯ» барагынын кодун көрүү

'''АНТИГИТЛЕРДИК КОАЛИЦИЯ –''' 2-дүйнөлүк согуштун жүрүшүндөгү (1939–1945) Германия, Италия, Япония <span cat='ж.кыск' oldv='ж-а'>жана</span> алардын саттелиттеринин агрессиячыл блогуна каршы күрөшүү үчүн түзүлгөн мамлекеттердин <span cat='ж.кыск' oldv='ж-а'>жана</span> элдердин союзу. Ага СССР, АКШ, Англия, Франция, Кытай, ошондой эле Югославия, Польша, Чехословакия, Австралия, Бразилия, Индия, Канада, Эфиопия ж. б. мамлекеттер кирген. Фашисттик агрессорлор тарабынан басып алынган аймактардагы партизандык <span cat='ж.кыск' oldv='ж-а'>жана</span> ''Каршылык көрсөтүү кыймылдары,'' бүткүл дүйнөдөгү антифашисттик, пацифисттик уюмдар антигитлердик коалицияга чоң жардам беришкен. Антигитлердик коалиция 1941-жылы  июнда фашисттик Германиянын СССРге кол салуусуна байланыштуу түзүлө баштаган <span cat='ж.кыск' oldv='ж-а'>жана</span> буга катышуучулардын союздаштык мамилелери 1942-жылы 1-январдагы 26 мамлекеттин Вашингтон декларациясында, ошондой эле андан кийинки бир катар документтерде бекемделген. Декларацияга кол койгон мамлекеттер бардык аскердик, экономикалык ресурстарын фашисттик өлкөлөргө каршы күрөшкө багыттоого <span cat='ж.кыск' oldv='ж-а'>жана</span> алар <span cat='ж.кыск' oldv='м-н'>менен</span> сепараттык келишимдерге кол койбоого милдеттенишкен. 2-дүйнөлүк согуш бүтөөрүндө 53 мамлекет фашисттик блоктогу өлкөлөр <span cat='ж.кыск' oldv='м-н'>менен</span> согуш абалында турган. Антигитлердик коалиция өз милдетин ийгиликтүү аткаруу <span cat='ж.кыск' oldv='м-н'>менен</span> 2-дүйнөлүк согуш мезгилинде жеңишке жетишүүдө зор роль ойногон.
[[Категория:1-Том]]