«АНИМАЛИСТТИК ЖАНР» барагынын кодун көрүү

'''АНИМАЛИСТТИК ЖАНР,''' а н и м а л и с т и к а (латынча. animal – айбанат) – көркөм сүрөт искусствосунун, негизинен, жаныбарлардын сүрөтүн тартуучу түрү. Анималисттик жанрда эмгектенген сүрөтчүлөр анималист деп аталат. Алардын көпчүлүгү колдонмо көркөм сүрөт искусство чеберлери <span cat='ж.кыск' oldv='ж-а'>жана</span> китеп иллюстраторлору да болушкан. Анималисттик жанрдын баштапкы үлгүлөрү байыркы заманда эле пайда болгон. Ташка чегилген байыркы сүрөттөрдө жаныбарлардын мүнөздүү белгилери так берилген. Айбанаттарды сүрөттөө байыркы скульптурада, ваза жазууларында, мозаикада да көп учурайт. ''Кайра жаралуу'' доорундагы сүрөтчүлөр айбандарды натурадан тарта башташкан (Писанелло, А. Дюрер). Бирок пейзажга, натюрмортко <span cat='ж.кыск' oldv='ж-а'>жана</span> тиричиликке байланышкан өзгөчө анималисттик жанр <span cat='ж.кыск' oldv='ж-а'>жана</span> нукура анималист сүрөтчүлөр Кытайда Тан (Хан Хуан, VIII кылым) <span cat='ж.кыск' oldv='ж-а'>жана</span> Сун (Му-пи, XIII кылым) доорунда, Европада XVII кылымда пайда болгон. XVIII кылымдагы Францияда (Ж. Б. Удри), Россияда (И. Ф. Гроот), XIX–XX кылымдарда анималисттик жанр көп өлкөлөрдүн искусствосуна тараган. Ошол убактагы анималист – сүрөтчүлөр В. А. Серов, Ф. Марк, П. Пикассо, С. Дали жана башкалардын чыгармалары белгилүү. Кыргыз сүрөтчүлөрүнөн бул жанрда С. Акылбеков, Б. Жумабаев, К. Давлетов, А. Касымалиев, М. Ахмедов эмгектенишкен.<br>Ад.: ''Ватагин В. А.'' Изображение животного. М., 1967..<br>
[[Категория:1-Том]]