«АЛЫБАЕВ Жолболду Парпиевич» барагынын кодун көрүү

'''АЛЫБАЕВ''' Жолболду Парпиевич (1947-жылы туулган, Ош облусу, Өзгөн району, Зергер айылы) – обончу, ырчы, акын, дастанчы. Кыргыз Республикасынын эл артисти (2003), Кыргыз Республикасынын эмгек сиңирген артисти (1993). Ош мамлекеттик педагогикалык институтунун музыка факультетин бүтүргөн (1965). 2002-жылдан Ош мамлекеттик университетинин доценти. 1970–2000-жылдары Жалал-Абад шаарындагы педагогикалык окуу жайында, маданият техникумунда, Жалал-Абад мамлекеттик университетинде окутуучу болуп эмгектенген. 2000-жылдан Ош мамлекеттик университетинин искусство факультетинде окутуучу, Р. Абдыкадыров атындагы Ош облустук филармониясында артист болуп эмгектенип келет. 2002-жылдан Ош мамлекеттик университетинин доценти. 100гө жакын обондорду жараткан. «Караматхан», «Сүйгөнүмө» сыяктуу ондогон обондору Кыргыз радиосунун Алтын казынасына жазылып алынган. Аккордеондун, комуздун коштоосунда «Туулган жерге», «Дилбар ай», <br>[[File:АЛЫБАЕВ 1_12.png | thumb|none]]
«Кыздар», «Өзбек кызына», «Кош алма», «Чолпонум», «Арман», «Рыспайга кат», Жеңижоктун «Көк сулуу», «Балам жок», Барпынын «Мырзайым», «Буракжан», «Жарга жыгылса суу», Корголдун «Сен, сен дүйнө», Молдо Нияздын «Даткайым», Нурмолдонун «Өмүр», элдик «Акжамал» жана башка ыр, дастандарды аткарган. Калыгулдун «Тар заманын» ырчылардын ичинен алгачкылардан болуп калк алдына ырдап чыккан. «Гүлазык», «Чолпонум» аттуу ырлар жыйнактары жарык көргөн. Ал ыр, санат, дастан, термелерден турган эки жыйнактын автору. Облустук, республикалык ар кандай деңгээлдеги кароо-сынактарга, фестивалдарга такай катышып, лауреат болгон. Сирия, Иордания сыяктуу чет өлкөлөрдө чыгармачылык сапарда болгон. Кыргыз ССРинин Жогорку Советинин Ардак грамотасы (1983), «Манас–1000» медалы менен (1995) сыйланган.<br>
[[Категория:1-Том]]