«АК-СУУ ӨРӨӨНҮ» барагынын кодун көрүү

'''АК-СУУ ӨРӨӨНҮ''' Тескей Ала-Тоонун түндүк капталында. Ак-Суунун эки айрыгы ‒ Алмалы (оӊ) <span cat='ж.кыск' oldv='ж-а'>жана</span> Алтын-Арашан (сол) өзөндөрүнөн орун алган. Чыгышында Ичке-Жергез, Бууракан, батышында Каракол, Жыланды тоолору (Тескей Ала-Тоонун тармактары) жатат. Узундугу 60 ''км, ''туурасы 20 ''м''‒2,5 ''км, ''орточо бийиктиги 2000‒3900 ''м, ''капталдары тик (30‒40°), айрыкча өрөөндүн оозу, Ортоктун эки жагы (Кептеш, Тайгак-Таш) 60‒70°, таманы кууш (20‒50 ''м''). Алмалынын баш жагы (3500‒4100 ''м'') мөӊгүлүү, зоокалуу келип, тепши сымал; ортонку бөлүгү (2400‒3500 ''м'') кенен, төмөн жагы (2100‒2400 ''м) ''кууш капчыгай, Алмалы суусу чулу гранит тегин кесип, шар агат. Алтын-Арашан меридиан багытында жатат, баш жагы мөӊгүлүү, мореналуу, ортоңку бөлүгү тепши сымал, аягы кууш (каньон), өрөөн эрозиянын натыйжасында пайда болгон; ал гранит, кумдук <span cat='ж.кыск' oldv='ж-а'>жана</span> акиташ тектеринен турат. Климаты континенттик, июлдун орточо температурасы 13‒14°С, январдыкы ‒7...‒9°С. Жылдык жаан-чачыны 500‒800 ''мм. ''Мөӊгүлөрү: Кашка-Суу, Алтын-Арашан, Ашуу-Суу, Алмалы ж. б. Ири суулары: Алтын-Арашан, Алмалы, алардын куймалары: Ашуу-Суу, Кашка-Суу, Шаркыратма, Айланма. Өрөөндө боз, күрөӊ <span cat='ж.кыск' oldv='ж-а'>жана</span> шалбаа топурактары басымдуу. Алтын-Арашандын төмөнкү <span cat='ж.кыск' oldv='ж-а'>жана</span> ортоңку бөлүгү калыӊ карагайлуу. Алмалыда карагай токой Ортоктун үстүнөн жогору карай 30‒35 ''км''ге созулат. Тескейи карагай черлүү; бадалдуу карагайдын арасында четин, шилби, терек, тал, ит мурун өсөт. Арча, табылгы <span cat='ж.кыск' oldv='ж-а'>жана</span> бадал өсүмдүктөрү Алмалынын эки өйүзүн теӊ ээлейт. Өрөөндө карагайдын бийиктиги 30‒35 ''м, ''жоондугу 0,8‒1,5 ''м''ге жетет. Мындай карагайлар Кыргызстандын башка аймактарында сейрек кездешет. Өрөөн кооз <span cat='ж.кыск' oldv='ж-а'>жана</span> ысык булактары бар; малга жайлуу. <br>
[[Категория:1-Том]]