«АКСАКАЛДАР БИЙЛИГИ» барагынын кодун көрүү

'''АКСАКАЛДАР БИЙЛИГИ''',  Г е р о н т о к р а т и я ‒ бийлик жамааттын жашы боюнча эӊ улуусуна таандык болгон коомдук түзүлүштүн баштапкы формасы. Аксакалдар  бийлиги илимде геронтократия (gerontos ‒ улгайган <span cat='ж.кыск' oldv='ж-а'>жана</span> kratos ‒ күч, бийлик) деп аталат, бул терминди илимий колдонууга англиялык  этнограф У. Риверс коомдун алгачкы мезгилинде бийлик аксакалдардын колунда болгонун белгилөө үчүн киргизген. Ал аксакалдар бийлиги  австралиялыктар <span cat='ж.кыск' oldv='ж-а'>жана</span> Океаниянын айрым элдери үчүн мүнөздүү деген жыйынтыкка келген <span cat='ж.кыск' oldv='ж-а'>жана</span> чыгыш элдерин изилдей алган эмес. Кыргыз элинин күнүмдүк турмушунда аксакалдар абдан таасирдүү болгон. Ар бир уруунун, айылдын, өрөөндүн эли сыймыктанар, туу тутар, акылга шерик, нарктуу, кутман карылары болгон. Алар ар кандай деӊгээлдеги маселелерди, көйгөйлөрдү, даттанууларды ошол жердеги дөбөгө чогулуп, калыстык <span cat='ж.кыск' oldv='м-н'>менен</span> чечишкен. Аксакалдардын бүтүмү оозеки мыйзам болуп, эч ким буза албаган. Үй-бүлөдөгү, коомдогу, чарбадагы иштердин бардыгы алардын кеӊеши <span cat='ж.кыск' oldv='м-н'>менен</span> жүргүзүлгөн. Туугандардын, бирге иштегендердин, кошуналардын ж. б. эӊ улуусуна баш ийүү, андан кеӊеш суроо сыяктуу аксакалдар  бийлигинин элементтери азыр да эл ичинде жолугат. <br>
[[Категория:1-Том]]