«АЙШАБҮБҮ КҮМБӨЗҮ» барагынын кодун көрүү

'''АЙШАБҮБҮ КҮМБӨЗҮ''' – орто  кылымга (XII кылым) таандык архитектуралык эстелик. Казакстан Республикасынын Жамбыл облусунун Тараз (мурунку Жамбыл) шаарына жакын жердеги Айшабүбү айылында жайгашкан. Бул көөнө эстеликти алгач 1897‑жылы  В. А. Каллаур, кийин 1938–1939‑жылдары А. Н. Бернштам, 1953‑жылы  Казакстан ИАнын археологиялык  тобу изилдешкен. Сырткы көрүнүшү төрт чарчы келип, бурчтары мунара сыяктуу жумуру (түркүк сымал) <span cat='ж.кыск' oldv='ж‑а'>жана</span> бийик, төбөсү кумпа (казанбак сымал салынган). Күмбөз бышкан кыштан курулуп, маңдай жагы ар кандай айбанаттардын сүрөттөрү <span cat='ж.кыск' oldv='ж‑а'>жана</span> оймо‑чиймеленген жазуулар <span cat='ж.кыск' oldv='м‑н'>менен</span> кооздолгон. Айшабүбү белгилүү тарыхый инсан – Карахандын аялы болгондуктан, күмбөздү Карахан салдырткан деген маалыматтар да бар. Айшабүбү күмбөзү  Казакстан Республикасынын тарых <span cat='ж.кыск' oldv='ж‑а'>жана</span> маданият эстеликтеринин тизмесине киргизилип оңдолуп, калыбына келтирилип, мамлекеттик корукка алынган.<br>''Ш. Керимова.''
[[Категория:1-Том]]