«АДДИС-АБЕБА» барагынын кодун көрүү

'''АДДИС-АБЕБА''' (амхарча – жаңы гүл) – Эфиопиянын борбор шаары; өзүнчө администрациялык бирдик. Өлкөнүн борбордук бөлүгүндө, Эфиопия тайпак тоосунда, деңиз деңгээлинен 2400 ''м'' бийиктикте жайгашкан. Маанилүү жолдор тоому. Калкы 5461 миң (2023). Темир жолу аркылуу Жибути (Сомалиде) порту <span cat='ж.кыск' oldv='м‑н'>менен</span> байланышат. Эл аралык маанидеги аэропорту бар. 1887‑жылы император Менелика II тарабынан негизделип, алгач Финфинни аталган. 1889‑жылдан азыркыдай аталат. Металл иштетүү, тамак‑аш, жыгаччылык, текстиль, цемент өнөр жайы, университет иштейт. Кустардык жол <span cat='ж.кыск' oldv='м‑н'>менен</span> кездеме токулат, булгаары жана башкалар чыгарылат. Кол өнөрчүлүк (жыгач буюмдарын жасоо) өнүккөн. Университет, археологиялык <span cat='ж.кыск' oldv='ж‑а'>жана</span> айыл чарба илимий-изилдөө институту, музей, Улуттук театр, Улуттук китепкана бар. 19–20‑кылымдардагы архитектуралык эстеликтер – Менелика II сарайы, Жаңы сарай, Ыйык Георгий собору (экөө тең 19‑кылымдын аягы) жана башкалар сакталган. Аддис-Абебада эл аралык ири уюмдардын штаб‑квартиралары жайгашкан: алар – БУУнун Африка үчүн экономикалык комиссиясы (1958‑жылдан), Африка союзу (1963-жылдан иштейт; 1963–2000‑жылдан – Африка биримдиги уюму).<br>
[[Категория:1-Том]]