«АДАМДЫН СОЦИАЛДЫК УКУКТАРЫ» барагынын кодун көрүү

'''АДАМДЫН СОЦИАЛДЫК УКУКТАРЫ''' – мамлекеттин белгилүү шарттарда адамга кайсы бир даражада материалдык убай көрүүгө мүмкүнчүлүк берүүчү конституциялык укуктарынын жыйындысы. Адамдын  социалдык  укуктарына социалдык камсыздоо, билим алуу, саламаттыгын сактоо, медициналык  жардам алуу, турак жайга болгон укуктары, балдар <span cat='ж.кыск' oldv='м‑н'>менен</span> энелердин, майыптардын өзгөчө укуктары кирет. Адамдын  социалдык  укуктары  конституциялык деңгээлде дүйнөнүн бардык эле өлкөлөрүндө бекитиле элек. Алар алгач азыркы көз карандысыз шериктеш мамлекеттердин конституцияларында бир кыйла толугураак жарыяланган. Айрым өнүккөн демократиялык  (Германия ФедеративдикРеспубликасы, Франция, Италия), ошондой  эле өнүгүп келе жаткан өлкөлөрдө (Монголия, Болгария, Венгрия, Албания, Бириккен Египет Республикасы жана башкалар) конституциялык деңгээлде экинчи дүйнөлүк согуштан кийин гана бекемделе баштаган, бирок алардын реалдуу гарантиялары, сот тарабынан корголушу көрсөтүлгөн эмес. Адамдын  социалдык  укуктары  өз алдынча болбостон конституциялардын социалдык, экономикалык  саясатынын негизги принциптерине арналган айрым бөлүктөрүндө жайгаштырылган.

''М. Керимбаев.''
[[Категория:1-Том]]