««КОЗУ КӨРПӨШ-БАЯН СУЛУУ»» барагынын кодун көрүү

<b type='title'>«КОЗУ КӨРПӨШ-БАЯН СУЛУУ»</b> – казак эли&shy;нин лирика-эпикалык дастаны. Анын бир ва&shy;рианты 1812-жылы башкыр тилинде чыккан. Ка&shy;зактарда поэманын 16дан ашуун варианты бар. Дастан 19-кылымда Жөжө жана Жанак деген казак ырчыларынын айтуусунда эл арасына тараган. 19-кылымдын 2-жарымында академик В. В. Радлов жазып алып (1870), немис жана орус тилдеринде бастырган. Ал анын көп томдуу эмгектеринин 3-томунда орун алган. Кийинчерээк Петербург университетинин профессору И. Н. Березин жазып алып (1876), «Түрк хрестоматиясы» деген эмгегинде жарыялаган. Эпосто 90 миң жылкылуу Кара&shy;бай 83 жашка келгенде, Баян аттуу кыздуу бол&shy;гону айтылат. Ал Сарыбай менен бел куда болот, 
бирок ал өлгөндөн кийин Карабай кызын же&shy;тим балага бергиси келбей, башка жакка көчүп жөнөйт. Жолдо Бетпак талаага туш келип, мал-&shy;жаны кырыла турган болгондо Кодар аттуу сыйкырчы жигит кудук казып, суу чыгарып, Карабайды кырсыктан сактап калат. Ал ыраа&shy;зычылыгын билдирип, Баянды ага бермекчи болот. Козу Көрпөш Баянды издеп келип, Ко&shy;дардын колунан каза табат. Поэма татар, ал&shy;тай, ногой, кыргыз элдеринде да айтылат. КР УИАнын кол жазмалар фондусунда дастандын төрт варианты (Б. Алыкулов айткан вариант&shy;тан тараган деп эсептелет) сакталып турат.



Ад.: Кыргыз адабиятынын тарыхы. 3-том. Б., 2002.
[[Категория:4-том, 307-352 бб]]