«МЕЛАНОЗ» барагынын кодун көрүү

<p>
<strong data-text-type="type_1_article_title">МЕЛАНОЗ </strong>(<abbr data-short="гр." data-full="грекче" data-extended="true">грекче</abbr> melanosis - караруу) - аарынын жугуштуу ылаңы. Эне аарынын энелик бези жабыркагандыктан, жумуртка туубай, тукуму куруйт. Ылаңды мите козу карын козгойт. Козгогучу туруксуз болгондуктан, жөнөкөй дезинфекциялоочу заттардын таасиринен тез эле жугушсузданат. Ылаң көбүнчө жай мезгилинин экинчй жарымында башталып, негизинен тымызын формада өтөт. Ылаң козгогучунун негизги булагы ыландаган аары, ылаңдан өлгөн аарынын тарпы, мите козу карын <abbr data-short="м-н" data-full="менен" data-extended="true">менен</abbr> булганган тоют, суу ж. б. Эне аарысы жок ылаңдуу аары уюгунда уруктанган жумурткалары болбогон соң жаңы эне аары болбойт, натыйжада бал челекте эркек аарылардын саны кескин көбөйөт. Диагноз клиникалык белгилердин негизинде коюлат. Атайын дары каражаттар жок. Алдын алуу <abbr data-short="ж-а" data-full="жана" data-extended="true">жана</abbr> күрөшүүдө аары багуу шартын жакшыртуу, сапаттуу бал же кант сиробу <abbr data-short="м-н" data-full="менен" data-extended="true">менен</abbr> тоюттандыруу талап кылынат. Бал челектерди <abbr data-short="ж-а" data-full="жана" data-extended="true">жана</abbr> алардын тегерегин таза кармоо зарыл. Ылаңдаган эне аарыларды жок кылып, соо жаш эне аарылар <abbr data-short="м-н" data-full="менен" data-extended="true">менен</abbr> алмащтырат.</p>

[[Category:5-том,_301-400_бб]]