«МАТРИЦА (полиграфия)» барагынын кодун көрүү

<p>
<strong data-text-type="type_1_article_title">МАТРИЦА, </strong>сан калып, полиграфияд а - 1) куюу формасынын оюңку тамга же белги түшүрүлгөн алмаштырылма элементи. Тамга <abbr data-short="м-н" data-full="менен" data-extended="true">менен</abbr> белгиден басмаканалык <em>литера</em> же тамгалуу сап куюп алынат. М. - кууш грандарынын бирине ныкталып же оюп тамга же белги түшүрүлгөн келки металл. Ал чуңкур <abbr data-short="м-н" data-full="менен" data-extended="true">менен</abbr> оюктарга эриген куйма толтурулуп, кайра чыгарганда бир жак учунда өйдө чыгып турган тамгалуу литера же сап пайда болот. Кандай типтеги машинада колдонула тургандыгына жараша М. шрифт куюлма, сап куюлма <abbr data-short="ж-а" data-full="жана" data-extended="true">жана</abbr> тамга куюлма болуп айырмаланат. Шрифт куюлма М. - бир тамганын же бир белгинин оюп жасалган түспөлү түшүрүлгөн келки болот. Бул кол <abbr data-short="м-н" data-full="менен" data-extended="true">менен</abbr> терүүдө пайдаланыла турган бир шрифтин бардык литерасын куюп алууга мүмкүндүк берет. Сап куюлма машинанын (к. <em>Монотип) </em>үкөктө сакталган айрым М-ларынан сап түзүлүп, куюу формасына коюлат да, ага эриген металл куюлганда туташ сап. алынат. Тамга куюлма машинадагы (к. <em>Линотип)</em> М-лар өзүнчө алкакка сакталат; 2) рельефтүү (дөмпөк) басма формасынан ийилген материалга (картонго, пластмассага ж. б.) терең ныкталып түшүрүлгөн <em>оттиск. </em>Анын бетине эриген металл куюлганда басма формасынын стереотип көчүрмөсү алынат.</p>

[[Category:5-том,_301-400_бб]]