«ЛАС-ПАЛЬМАС» барагынын кодун көрүү

<p><strong data-text-type="type_1_article_title">ЛАС-ПАЛЬМАС - </strong>Испанияга таандык шаар. Канария а. автономия биримдигинин борбору (1982-жылдан). Атлантика океанындагы <em>Канария аралдары</em> тобундагы Гран-Канария а-нда жайгашкан. Лас-Пальмас провинциясынын адм. борбору. Калкы 380,5 миң (2010). Ири порт. Канария архипелагындагы башка аралдар м-н паром аркылуу катташат. Эл аралык аэропорту бар. Трансатлантика байланышындагы транзиттик пункт. Кеме оңдоонун эл аралык борбору. 1478-ж. негизделген. 1492-ж. Америкага болгон 1-экспедициясында X. Колумб токтогон. Эски шаарда Санта-Ана собору (1497), епископтордун ак сарайы (1630), ратуша (19-к.), СантоДоминго (17-к.), Сан-Франсиско (1518) чиркөөлөрү, Заманбап иск-вонун Атлантика борбору (18-к.), Сан-Тельмо саат мунарасы (1694) ж. б. сакталган. Ун-т, музейлер, жазуучу Перес Гальдостун үй-музейи, театрлар бар. Тамак-аш ө. ж. өнүккөн. Жашылча-жемиш консерва өндүрүшү, металл иштетүү, курулуш материалдар, суу тазалоочу жабдуу ишканалары иштейт. Балык кармалып, беленделет. Деңиз климаттык курорт. Эл аралык туризмдин борбору. Жыл сайын карнавалдар, фестивалдар, эл аралык шахмат турнирлери өткөрүлөт.</p>