«КОЧКОР-АТА» барагынын кодун көрүү

<b type='title'>КОЧКОР-АТА</b> – Жалал-Абад облусундагы шаар. Ноокен районунун аймагында. Бабаш-Ата кырка тоосунун түштүк этегинде, Бишкек – Ош автомо&shy;биль жолунун боюнда, деңиз деңгээлинен 618 <i>м</i> би&shy;йикте жайгашкан. Ноокен районунун борбору Масы кыштагынан 13 <i>км</i> батыш тарапта. Облустун бор&shy;бору ж-а темир  жол бекети Жалал-Абад шаарынан 56 <i>км</i>. Кочкор-Ата нефть ж-а газ кендерин казып алууга байланыштуу 1952-жылы курула баштаган, алгач «Новостройка» деп аталган. 1953–2003-жылдарда шаарча; 2003-жылдан шаар. Аянты 485 <i>га</i>. Кал&shy;кы 14,8 миң (2009). Шаарда «Кыргызмунайгаз», «Кыргызгеофизика» (нефть-газ кендерин чал&shy;гындоо иштерин жүргүзөт), «Кочкор-Ата айыл курулуш», «Керамика» (кыш ж. б. курулуш ма&shy;териалдарын чыгарат) АКлары иштейт. Үч орто мектеп, гимназия, техникалык коллеж, кесиптик-техникалык окуу жайы, китепкана, маданият үйү, оорукана, балдар консультациясы, облустук ден соолукту ка&shy;лыбына келтирүүчү оорукана, сквер, спорт ком&shy;плекси, стадион бар. Турмуш-тиричилик кыз&shy;матынын бөлүмдөрү, соода түйүндөрү, чайкана, кафе, ресторан иштейт. Улуу Ата Мекендик со&shy;гушта курман болгондорго эстелик тургузулган.
[[Категория:4-том,_453-496_бб]]