«АТОМ ЭЛЕКТР СТАНЦИЯСЫ» барагынын кодун көрүү

 '''АТОМ ЭЛЕКТР СТАНЦИЯСЫ'''(АЭС) ‒ ядролук энергияны электр энергиясына айландыруучу курулуштардын комплекси. АЭСте ядролук реактордогу кээ бир оор элементтердин, негизинен уран (<sup>233</sup>U, <sup>235</sup>U), плутоний (<sup>239</sup>Рu) ядролорунун бөлүнүшүнүн уланма реакциясынын натыйжасында пайда болгон жылуулук кадимки эле жылуулук электр станцияларындай электр энергиясына айландырылат. Урандын же плутонийдин 1 ''г'' изотобу бөлүнгөндө 22,5 ''МВт.с''ка жакын энергия бөлүнүп чыгат. Бул 2,8 ''т'' шарттуу отунду жакканда алынуучу энергияга барабар. АЭСтер ядролук энергетиканын негизин түзөт. Дүйнөдөгү эӊ биринчи кубаттуулугу 5 ''МВт'' болгон АЭС Россиянын Обнинск ш-нда ишке киргизилген. Азыркы кезде иштеп жаткан АЭСтердин жалпы кубаттуулугу 6 ''ГВт''тан ашык. АЭСтерде көп учурда жылуулук нейтрондору м-н иштөөчү реактордун 2 түрү: тулкулук суу-суулук реакторлор ж-а каналдык графит-суулук реакторлор колдонулат. Жылуулук алып жүргүчтүн түрүнө ж-а агрегаттык абалына жараша АЭСтин термодинамикалык мерчими тандалат. Көпчүлүк АЭСтин электр жабдуулары кадимки жылуулук электр станциясындагыдай эле болот.<br>