«АСАД» барагынын кодун көрүү

Хафез (6. 10. 1930, Кардаха, Сирия – 10.
6. 2000, Дамаск) – Сириянын президенти (1971–
2000). Араб социалдык кайра жаралуу
партиясынын (АКСП) Генералдык секретары
(1971–2000); Армиянын генералы (1968), коргоо
министри (1966–71), премьер-министр (1970–71).
Катуу чараларды колдонуу м-н Сирияда саясий
кырдаалды турукташтырууга жетишкен, Хама
ш-ндагы мусулмандык козголоңду баскан (1982).
А-дын жетекчилиги м-н Сирия 1970–80-жылдардын ортосуна чейин СССРдин негизги союздашы болуп келген, 1973-ж. Египет м-н Израилдин
ортосундагы согушта Египетти колдогон, 1982–
83-ж. араб жаңжалынан кийин Ливанда өз позициясын бекемдөө үчүн мындагы жарандык согуштарга(1976,1987,1990) кийлигишкен. А. узак
убакыт бою Иракка каршы саясат жүргүзүп келген: 1980–88-ж. Иран-Ирак согушунда Иранга жардам берген, «Чөлдөгү бороон» (1991) операциясынын жүрүшүндө сириялык аскерлерди Иракка каршы коалициянын курамына киргизген.