«БОРИС ГОДУНОВ» барагынын кодун көрүү

'''БОРИ&#769;С ГОДУНО&#769;В ''' (1552-ж. чен – 13(23). 4.1605, Москва) – орус падышасы (1598–1605). Бояр Фёдор Иванович Годуновдун уулу. Падыша Фёдордун кайнагасы болгон. Анын тушунда эле иш жүзүндө өзү бийлик жүргүзгөн. Кийинки тарыхый булактардагы маалыматтар б-ча канзаада Дмитрий Угличскийди өлтүрүүнү уюштургандардын бири. Фёдор өлгөн соӊ, Б. Г. Земский соборунда 1598-ж. 17-февралда падыша болуп шайланган. Ал дворяндардын мүдөөсүн көздөп, алардын бийлигин бекемдөөгө аракет кылган. Тышкы саясатта Ливон согушунда олжого кеткен айрым жерлерди кайтарып, орус мамлекетинин эл аралык абалын чыӊдоого жетишкен. Б. Г. падыша болуп турган чакта крепостнойлук эзүүнүн айынан дыйкандардын кубаттуу көтөрүлүштөрү чыккан. Ал Жалган Дмитрий I м-н каршылашуу күчөп турган мезгилде капыстан каза болгон. Тактыга анын балакатка жете элек уулу Фёдор отурган, бирок ал москвалыктардын көтөрүлүшүндө (1605) киши колдуу болуп өлгөн. Ошону м-н Годуновдордун бийлиги биротоло бүткөн.
[[Category: 2-том]]