«АНГЛИЯ-ОРУС КЕЛИШИМДЕРИ» барагынын кодун көрүү

 (1873, 1885, 1907). Англия м-н Россиянын Тибет, Афганистан ж-а Иран б-ча жүргүзгөн сүйлөшүүлөрүнүн жыйынтыгында кол коюлган. Англия өкмөтү Германиянын согуштук күч-кубатынын өсүшүнөн ж-а анын Чыгыштагы басып алууларынын күчөшүнөн чочулап, Россия, Франция м-н дипл. мамилелерин жакшыртуу максатында сүйлөшүүлөрдү жүргүзгөн. О. Азиядагы «б у ф е р д и к» алкак ж-дөгү келишим (1873), ушул өлкөлөрдүн өкмөттөрүнүн ортосундагы сүйлөшүүлөрдүн (1872-ж. окт.-1873-ж. янв.) натыйжасында тү-зүлүп, ал б-ча Россия м-н Англиянын О. Азия-дагы өз таасириндеги жерлерди чектеген ж-а Афган эмиратынын түн. чек араларын белгилеген. Афганистандын ээлигиндеги жерлерди чектөө ж-дөгү келишим 1885-ж. 29-августта (10-сент.) Лондондо түзүлүп, 1885-ж. афган кризисин жөнгө салган. Аны толуктаган Афган чек арала-рын аныктаган протоколго 1887-ж. 10 (22) июлда кол коюлган. Ортонку Чыгыштагы таасир көрсөтүү чөйрөсүн чектөө ж-дөгү макулдашуу 1907-ж. 8 (31)-августта түзүлүп, тараптар Тибеттин аймактык бүтүндүгүн ж-а кол тийбестигин камсыз кылуу, Ирандагы таасир этүү чөйрөлөрүн аныктоо ж-а Афганистанды Россиянын таасир этүү чөйрөсүнөн чыгаруу тууралуу макулдашышкан. 1907-ж. марттагы келишим б-ча Иранда Россиянын, Англиянын таасириндеги аймактар белгиленген. Бул келишим Антантаны түзүүдө
маанилүү этап болгон.