«АК-ШЫЙРАК ӨРӨӨНҮ» барагынын кодун көрүү

 Борб. Теӊир-Тоодогу Сары-Жаз суусунун алабында. Түндүгүнөн Эшек-Арт, түштүгүнөн Бооралбас, Ак-Зоо, Миӊ-Теке, Кайчы ж-а Кара-Зоо (Жаӊгарт) тоолору м-н чектешет. Уз. 60 ''км, ''туурасы 6 ''км''. Өрөөндүн деӊиз деӊг. орточо бийикт. 2300‒2900 ''м. ''Чыгышы түзөӊ, батышы бийик, адырлуу, түн. ж-а түш. жагы торпу-белесчелүү. Тоо капталдары кууш өрөөн, капчыгайлуу (Кызыл-Капчыгай, Үч-Кошкон ж. б.). Неотектоникалык тиби ‒ грабен-син клинорий. Неоген м-н палеогендин кумдук, чопо, конгломерат тектеринен түзүлгөн. Ак-Шыйрак суусунун баш жагында карбондун роговик ж-а чөкмө тектери, ортонку бөлүгүндө ири кристаллдуу кызгылтым түстөгү гранит тектери жер бетине чыгып жатат. Өрөөн аркылуу ''Ак-Шыйрак суусу'' агат. Климаты континенттик. Кышы суук, январдын орт. темп-расы ‒15,1°С, жайы салкын, июлдуку 11,8°С. Жылдык жаан-чачыны 200‒220 ''мм. ''Чөл ж-а жарым чөл (2900''м''‒3400 ''м''ге чейин), талаа (2600‒3800 ''м''), субальп ж-а альп шалбаа (3000‒4000 ''м''), андан
жогору гляциалдык-нивалдык ландшафт алкактары мүнөздүү. Өрөөндө Ак-Шыйрак кыш., метеостанция ж. б. бар.<br>