«АЗАМАТ АЛТАЙ» барагынын кодун көрүү

'''АЗАМАТ АЛТАЙ,''' Кожомбердиев Кудайберген (19. 9. 1920, Ысык&#8209;Көл обл., Тоң р&#8209;ну, Корумду айылы – 26. 5. 2006, Нью&#8209;Йорк) – журналист, публицист, коомдук ишмер, «Эркин Европа – Азаттык радиосунун» кыргыз уктуруу кызматынын негиздөөчүлөрүнүн бири. Түп районундагы Ысык&#8209;Көл зооветтехникумдан билим алган. Токмоктон комсомолдук курсту бүтүрүп келип, комсомолдун Тоң райкомунда бөлүм башчы болуп иштеген. 1940&#8209;ж. Советтик Армияга чакырылып, Литванын Каунас шаарында аскердик курста болгон. Улуу Ата Мекендик согуш башталганда урушка кирип, Литва аймагында фашисттердин туткунуна түшкөн (1941). Туткундан эки жолу качып чыгууга аракет жасаган. 1945&#8209;ж. үчүнчү жолу качып чыгып, француз партизандарына кошулат.
[[File:АЗАМАТ АЛТАЙ14.png | thumb|none]]
Согуш аяктагандан кийин СССРде туткундарга карата алынган катаал чечимдерге байланыштуу эл&#8209;жерге кайтып келүү мүмкүн болбой, Францияда калып калган. Ал жерде чыгыш таануучу Александр Бенигсен <span cat='ж.кыск' oldv='м&#8209;н'>менен</span> таанышып, Орто Азиянын коомдук&#8209;маданий турмушуна байланыштуу материалдарды топтоп, басма сөз маалыматтарын Батыштын илим чөйрөсүнө киргизүүгө чоң аракет жасаган. 1951&#8209;ж. Германияда «Түрк эли» деген журнал уюшулуп, анын башкы редактору болуп шайланган. 1953&#8209;ж. журналдын ордуна ''«Азаттык»'' радиостанциясы ачылып, анда кабарчы, диктор, директору болуп иштеген. 1975&#8209;ж. 18&#8209;мартта «Азаттыктын» кыргыз тилиндеги алгачкы берүүсүн (учурда 1960&#8209;ж. «Азамат Алтай» деген атты алган. «Эркин Европа – Азаттык» радиосунун кыргыз кызматы катары иштеп жатат) обого алып чыккан. 50&#8209;жылдардын аяк ченинен Нью&#8209;Йорктогу (АКШ) Колумбия университетинин илимий китепканасынын Чыгыш адабият бөлүмүн жетектеп, түркология <span cat='ж.кыск' oldv='ж&#8209;а'>жана</span> кыргыз таануу боюнча он миңдеген нускадагы китеп фондун түзгөн. Ал АКШда жүргөндө да «Азаттык» радиосу <span cat='ж.кыск' oldv='м&#8209;н'>менен</span> кызматташып турган. 1970&#8209;ж&#8209;дын аягында Мюнхенге келип, 1984–88&#8209;ж. «Азаттык» радиосунун директорунун кызматын аткарган. 1995&#8209;ж. 24&#8209;августтан 11&#8209;сентябрга чейин «Манас» эпосунун миң жылдык мааракесине чакырылып, сый конок катары мекенине келип кеткен. 1950&#8209;жылдан кыргыз тарыхы, маданияты, адабияты боюнча чогулткан бай архивинин бир бөлүгүн 1995&#8209;ж. Жалал&#8209;Абад мамлекеттик университетине тартуулаган.<br>