««АЛА-ТОО» АЯНТЫ» барагынын кодун көрүү

'''«АЛА-ТОО» АЯНТЫ''' ‒ шаардын башкы салтанат аянты. А. Орозобеков ‒ А. С. Пушкин -- И. Раззаков  ‒ Киев көчөлөрү <span cat='ж.кыск' oldv='м-н'>менен</span> чектешет. Аянт аркылуу шаардагы ири көчөлөрдүн бири Чүй проспекти өтөт. Аянттын курулушу 1984-ж. Кыргыз ССРинин <span cat='ж.кыск' oldv='ж-а'>жана</span> Кыргызстан Компартиясынын 60 жылдыгынын урматына бүткөрүлүп, анда 14-
[[File:«АЛА-ТОО» АЯНТЫ30.png | thumb|Ала-Тоо аянты.]]
октябрда шаар эмгекчилеринин юбилейлик майрамдык демонстрациясы өткөн. Аянттын архитектуралык композициясынын өзөгүн «Эркиндик» монументи (2003, скульптору Т. Садыков) түзөт. Эстеликтин түбүнө өкмөттүк трибуна орнотулган. Чүй проспекти <span cat='ж.кыск' oldv='м-н'>менен</span> Киев көчөсүнүн ортосунда бири бирине симметриялуу жайгашкан 4 фонтандын аралыгына концерт, салтанаттуу чогулуш ж. б. иш-чаралар өткөрүлүүчү чатыр-сахна курулуп, ал чыгышынан <span cat='ж.кыск' oldv='ж-а'>жана</span> батышынан аркадалуу имараттар, түштүгүнөн Киев көчөсүнө туташуучу тепкичтер <span cat='ж.кыск' oldv='м-н'>менен</span> курчалган. Бул архитектуралык ансамблге Кыргыз мамлекеттик тарых музейинин имараты (1985), «Достук үйү», «Достук» монументи (1974), мамлекеттик туунун флагштогу кирет. Аянттын архитектуралык композициясынын авторлору: арх. Г. П. Кутателадзе, И. Д. Кадырбеков, В. В. Лызенко, Н. Н. Уллас, А. Т. Горемыкин, А. М. Нежурин, Ю. А. Чубаров, И. К. Камбарбаев, И. И. Лихтеров. <br>