«КӨК-СУУ (БАТЫШ) ӨРӨӨНҮ» барагынын кодун көрүү

<b type='title'>КӨК-СУУ (БАТЫШ) ӨРӨӨНҮ</b> Алай өрөөнүнүн батышында. Түндүгүнөн Алай кырка тоосу, түш&shy;түгүнөн Текелик тоосу м-н чектешет. Чоң Алай районунун аймагында. Өрөөн кеңдик багытка жа&shy;кын 60 <i>км</i>ге созулат; туурасы 4–5 <i>км.</i> Таманы&shy;нын деңиз деңг. орт. бийикт. 2500–3300 <i>м</i>. Кур&shy;чап жаткан тоолордун өрөөндүн таманынан са&shy;лыштырмалуу бийикт. 1000–1200 <i>м</i>. Өрөөндүн
башында тепши сымал төрлөр, мөңгү көп. Ор&shy;тонку бөлүгү кууш, тоо капталдары кокту-ко&shy;лоттуу. Аягы Текелик суусунун чатынан Алай
өрөөнүнө чейин кеңийт. Мында өрөөндүн кап&shy;талдары тик, жардуу. Таманы төртүнчүлүк мез&shy;гилдин шагыл, кум, чополору м-н толгон. Тоо капталдары кеңдик багытта жаткан тектон. жаракалар м-н тилмеленген. Климаты кескин
континенттик; январдын орт. темп-расы –14°С,
июлдуку 10°С. Жылдык жаан-чачыны 300 <i>мм</i>.
Өрөөн аркылуу Көк-Суу ж-а анын куймалары (Текелик, Корумду, Бек-Ага, Кара-Казык, Чоң Кочкорчу, Кызыл-Айрык, Кочкорчу) агып чы&shy;гат. Арча токойлуу шалбаалуу талаа, субальп ж-а альп талаасы, шалбаа ж-а нивалдык-гля&shy;циалдык ландшафттары мүнөздүү. Жайыт, эте&shy;ги чабынды катары пайдаланылат. Өрөөндө
Чак, Кочкорчу кыш. жайгашкан.
[[Категория:4-том, 497-546 бб]]