«БИКБУЛАТОВА Аниса Рифовна» барагынын кодун көрүү

'''БИКБУЛАТОВА''' Аниса Рифовна (09. 05. 1969, [[Кыргыз ССРи]], [[Чүй облусу]], [[Кант шаары]]) – тарых илимдеринин доктору (2020). [[Ысык-Ата району]]нун [[Чоң-Далы айылы]]ндагы К. [[Маликов]] атындагы орто мектепти (1986), СССРдин 50 жылдыгы атындагы Кыргыз Мамлекеттик университетинин тарых факультетин  аяктаган (1991). Ошол эле университеттин стажер-изилдөөчүсү (1991–1993), [[Кыргыз Республикасы]]нын Өкмөтүнө караштуу «Манас-1000» Мамлекеттик дирекциясында администратор, илим бөлүмүнүн башчысы (1993–2001). 2003-жылдан Ж. Баласагын атындагы КУУнун археология жана этнология кафедрасында окутуучу, ага окутуучу, доцент, 2007–2016-жылдары кафедра башчысы. 2016-жылдан Ж. [[Баласагын]] атындагы КУУнун тарых жана чөлкөм таануу институтунун археология, этнология, булактаануу жана тарыхнаама кафедрасынын профессору. Кыргызстандагы этнолог жана антропологдордун ассоциациясынын вице-президенти, КРдин [[Улуттук Илимдер академиясы]]нын Б. Джамгерчинов атындагы тарых, археология жана этнология институту жана Ж. Баласагын атындагы КУУга караштуу тарых илиминин этнография, этнология жана антропология адистиги боюнча түзүлгөн диссертациялык кеңештин мүчөсү, окумуштуу катчысы. 2023-жылдан 23- июнда [[Татарстан Республикасы]]нын ([[Россия Федерациясы]]) илимдер академиясынын гуманитардык илимдер бөлүмү боюнча чет элдик мүчөсү. «Кыргыз айылдык аялдары» (Бишкек, 2007), «Кыргызстан татарлары» (Казан, 2020), «Кыргызстандагы саясий репрессиялар, 1920–1953-жылдардагы татарлардын тагдыры» (Казан, 2022), «Кыргызстандагы татар эпиграфикасы (XIX к. аягы – XX к. башы)» (Казан, 2022) ж.б. монографиялар жана 100дөн ашык илимий, популярдуу макалалардын автору.
[[Категория:2-том, 146-225 бб]]