«КУУ УУЛ» барагынын кодун көрүү

<b type='title'>КУУ УУЛ</b> , К у б а у у л, К у б у л – оозеки санжыра б-ча сол канат урууларынын түпкү ата&shy;сы. Генеал. уламышта <i>Долон бийдин</i> эгиз баласынын бири, <i>Ак уулдун</i> түгөйү. Ак уул энесинин оң бөйрөгү, К. у. сол бөйрөгүндө жаткандыктан, ага ылайык бул экөө оң, сол болуп аталып калганы айтылат (к<i>. Адигине-Тагай, Кыргыз санжырасы</i>). К. у. негизинен <i>чоң багыш,</i> каратал деген эки урууга ажырап, караталдан <i>кытай, мундуз, жетиген, төбөй, басыз, кушчу, саруулар</i> тарайт. <i>Мажму ат-Таварих</i> б-ча Ак уул Аналхактын Лур хан деген, К. у. Лур бузурук деген уулунун тукуму же Ак уул экөө 18–20
атадан кийин кошулуп, К. у-дун Басыз, <i>Лалым Кушчу,</i> Ай-Баш Мундуз, Чоң Багыш, Саруу, Сунжек Хытай деген 6 баласы болуп, өз-өзүнчө 6 уруунун негизин түзгөн. Азыркы учурда
өзүлөрүн К. у. деп эсептеген уруу топтору негизинен Талас жана Чаткал өрөөнү, Фергана тоо кыркаларын этектеп, Какшаал тоолорунун түштүгүндө турушат.


Ад.: <i>Абрамзон С. М.</i> Кыргыз жана Кыргызстан тарыхы боюнча тандалма эмгектер. Б., 1999; Материалы по истории кыргызов и Кыргызстана. Т. 1. Б., 2003. 
<p align='right'><i type='author'>Р. Жолдошов.</i></p>
[[Категория:4-том, 597-656 бб]]