«КУРТ-КУМУРСКАЧЫЛ ѲСҮМДҮКТѲР» барагынын кодун көрүү

<b type='title'>КУРТ-КУМУРСКАЧЫЛ ѲСҮМДҮКТѲР</b> - <i>курт-кумурскаларды</i> кармап, кошумча азыктануучу автотрофтуу ѳсүмдүктѳр.

[[File:КУРТ-КУМУРСКАЧЫЛ ѲСҮМДҮКТѲР68.png | thumb | none]]
Курт-кумурскачыл өсүмдүктөр: 1а жирянка, 16- жалбырагы; 2а -тегерек жалбырактуу росянка, 26 - кармап алган чымыны менен жалбырагы; За гибрид непентес, 36 жара кесилген кумурасы; 4а - Друммонди саррацения, 46 жара кесилген кумарача; 5а калифорния дарлингтониясы, 56 жара кесилген жалбырагы, ичиндеги чымыны м-н; 6а - венера чымынчысы, 6б чымын кармап алган жалбырагы.<br>
К.-к. ѳ. ѳскѳн жерде азоттуу азык заттар, калий, фосфор жетишсиз болгондуктан, бул ѳсүмдүктѳр жалбырагы менен курт-кумурскаларды кармап азыктанып, алардын ордун толуктайт. Жалбырагында азык заттарды эритүүчү ферменттерди жана орг. к-та бѳлүп чыгаруучу безчелер болот. Ферменттер курт-кумурсканын денесин ѳсүмдүк сиңирүүчү жѳнѳкѳй бирикмеге чейин ажыратат. Бул ѳсүмдүктѳр курт-кумурсканы ѳзүнѳ тартууга жана кармоого татаал жана түрдүүчѳ ылайыктанган. Ыйлаакчалардын (баштык сымал органы бар) суу астындагы жалбырагында курт-кумурска кирүүчү тешикчеси болот. Тропик түрлѳрүнүн жалбырагынын үстүнкү жак жээги жылмакай, кумурадай болуп, курт-кумурска жылмышып, анын ичине түшѳт. Альдрованданын жалбырагы жабышкак зат бѳлүп чыгаруучу бездүү кызгылт түктѳрү менен кармайт. Айрымдарынын кармагыч жалбырактары чымын-чиркей конгондо жабылып калат. Кээ бир ѳсүмдүктѳр жыты менен аларды ѳзүнѳ тартат да, ага конгондо жалбырагы бүктѳлүп калат. Бир росянка күнүнѳ ондогон чымын чиркейди сиңирет. К.-к. ѳ-дүн 6 тукумунун 500дѳй түрү белгилүү. КМШ ѳлкѳлѳрүндѳ 20дай түрү мелүүн алкактын токойлорунда, азот, фосфор, калий жетишсиз жерлерде, кѳлмѳлѳрдѳ, саздарда ѳсѳт.
[[Категория:4-том, 597-656 бб]]