«КОЛИТ» барагынын кодун көрүү

<b type='title'>КОЛИ&#769;Т</b> – жоон ичегинин сезгениши. Ичеги-ка&shy;рын жолунун көп кезигүүчү оорусу. Колттин пай&shy;да болушуна инфекция, тамактануунун бузулу&shy;шу, уулануу себеп болушу мүмкүн. Ошондой эле уре&shy;миялык ууланууда, карын м-н ичке ичегиде тамак сиңирүү начарлаганда (<i>гастрит, панкре&shy;атит, гастроэнтерит</i>), кээ бир антибиотик&shy;ти, ич алдырма дарыны өз алдынча узакка кол&shy;донгондо болот. Колиттин себебине ж-а оордугуна жараша жоон ичегинин үстүнкү бети сезгенүүдөн некроздуу жарага чейин жабыркайт. Колит катуу кармаган ж-а өнөкөт болуп айырмаланат. Иче&shy;ги инфекциядан же уулануудан жабыркаганда катуу кармаган колит пайда болот (к. <i>Дизентерия, Уулануу</i>). Анда оорулуунун алы кетип, тамак&shy;ка табити тартпай, ичи толгоп ооруп, ичи өтөт. Эгерде колит инфекциядан болсо, дене ысыйт. Ка&shy;туу кармаган колит- ти туура эмес же чала дарыла&shy;ганда өнөкөт түрүнө өтүп кетиши мүмкүн.<br>Өнөкөтколит кээде инфекциясыз эле пайда болот. Ага туура эмес тамактануу, чала чайноо, спирт ичимдиктерин көп ичүү себеп болот. Мында иче&shy;гинин кыймылы (перистальтикасы) начарлайт, ичеги зили ж-а былжыры начар бөлүнөт, жоон ичегиден суюктукту соруу процесси өзгөрүлөт. Колиттин белгилери оордугуна, жайылышына ж-а стадиясына жараша ар түрдүү болот. Ал карма&shy;ган учурда тамакка табити тартпай, жүрөгү айланып, алы кетет. Заңдаарда же андан ки&shy;йин ич ооруйт. Күнүнө 3–4 жолу ич өтүп, кайра катып, көөп, курулдашы мүмкүн, ириң же кан аралаш заңдайт. Колиттин өнөкөт түрү бирде жакшы болуп, кайра кармап турат. Жоон иче&shy;гини дүүлүктүрүүчү ж-а аллергиялык реакция чакыруучу тамак-аш ичүү, өтө чарчоо, тамак сиңирүүчү башка органдардын ишинин бузулу&shy;шу колитти күчөтөт. Колитти алдын алууда катуу кар&shy;маган ичеги ооруларын өз убагында туура да&shy;рылоо, тамактануу тартибин сактоо өтө маа&shy;нилүү.
[[Категория:4-том, 353-402 бб]]