«КАРАКОЛ МИНЕРАЛДУУ СУУСУ (минералдуу суу булактары)» барагынын кодун көрүү

<b type='title'>КАРАКОЛ МИНЕРАЛДУУ СУУСУ</b> – Ош ж-а Нарын облустарынын чек арасындагы көмүр кычкыл газдуу минералдуу муздак суу булактары. Фер&shy;гана тоо тизмегинин батыш ж-а чыгыш кап&shy;талдарында. Булактардын жер астынан агып чыгып, газ бөлүп турушу жергиликтүү элге илгертеден белгилүү болсо да, геологиялык изилдөө 1951-жылы жүргүзүлгөн. Булактар тоонун эки капталында болгондуктан, алар Батыш Каракол ж-а Чы&shy;гыш Каракол деп аталат. Б а т ы ш К а р а&shy; к о л Ош шаарынан 150 <i>км</i> чыгыш тарапта, Кара- Кулжа өрөөнүнүн батыш жагындагы Каракол суусунун оң өйүзүндө, деңиз деңгээлинен 3100 <i>м</i> бийик&shy;те. Мында юра мезгилиндеги алевролит м-н кум&shy;дук катмарлары антиклиналь бүктөлүүсүн түзүп жатат. Суу бүктөлүүнүн оң канатынан булак түрүндө жер бетине чыгат. Ч ы г ы ш К а р а&shy; к о л Ат-Башы кыштагынан 115 <i>км</i> түштүк-батыш тарапта, Арпа суусунун сол куймасы Каракол&shy;дун боюнда, деңиз деңгээлинен 3250 <i>м</i> бийикте. Мында силур мезгилиндеги мраморлошкон акиташ тек&shy;тери синклиналь бүктөлүүсүн түзөт. Суу бүктө&shy;лүүнүн борбордук бөлүгүндөгү тектоникалык жарака аркы&shy;луу, шагыл таштардын арасынан жер бетине булак түрүндө агып чыгат. Булактардын деби&shy;ти 0,4–5 <i>л/сек</i>. Химиялык курамы ж-а физикалык касиетте&shy;ри боюнча бул эки булак бири-биринен көп айырмаланбайт. Суусу муздак (5–9°), тузсуз, жыт&shy;сыз, даамы кычкыл (pH 6,5) келип, курамы гидро-карбонат-кальций-магнийлүү. Жалпы ми&shy;нералдашы 0,91–1,16 <i>мг/л.</i> Суудан көмүр кыч&shy;кыл газы бөлүнүп турат. Анын эриндисинин суудагы өлчөмү 560–916 <i>мг/л</i> (Батыш Каракол), 360–963 <i>мг/л</i> (Чыгыш Каракол). Минералданы&shy;шы, химиялык ж-а газдык курамы боюнча Батыш Ка&shy;ракол Кавказдагы белгилүү «Боржомиге» (Ека&shy;таран булагы) жакын, Чыгыш Каракол нарзан сууларына кирет.
<p align='right'><i type='author'>К. Кожобаев.</i></p>
[[Категория:4-том, 101-153 бб]]