«КИНОФИЛЬМДИ КУРАШТЫРУУ» барагынын кодун көрүү

<b type='title'>КИНОФИЛЬМДИ КУРАШТЫРУУ</b>  – тасманы түзүүдөгү чыгармачылык жана техникалык процесс. Мында тар&shy;тылган киноматериалдардан же кураштырма <i>кадрдан</i> тандоо, ылайыкташтыруу жана туура келтирүү аркылуу кураштырып кино тасма түзүлөт. Бул процесс тасманын драматургиялык жана тема түзүлүшүнө байланыштуу болуп, анын сценарийи же киного тартуу планы менен белги&shy;ленет. Кинофильмди кураштыруу тасманын сценарийине толук туура келип, кадрдын масштабы, эпизоддун жүрүшү, декорациянын көрүнүшү жана үндүн угулушу бири-бирине шайкеш келгендей талапта атка&shy;рылат. Кинофильмди кураштыруу төмөнкү ырааттуулукта иштелет: позитив болуп тартылган кино тасма жана фоно&shy;граммалуу магнит тасмасы көрүүгө даярдалат; кино тасма бөлүк-бөлүк жабыштырылып, бел&shy;ги коюлат, сүрөт менен үн бири-бирине дал келти&shy;рилет. Эпизоддордун тандалып алынган дубл&shy;дарынан сцена жана сюжет түзүлөт. Андан ки&shy;йин кураштырылган эпизоддор тасманын бүткүл сюжети боюнча ырааттуулук менен каралып чыгат да, керектүү жазуулары жазылат. Мурда 3–5 <i>мм</i>лик магнит тасмасына жазылган үн фо&shy;нограммасы бир тасмага көчүрүлүп, кино тасманын эки тасмага (бирине сүрөт түшүрүлгөн, экин&shy;чисине үн) жазылган жумушчу нускасы түзүлөт. Ал кино тасма иштетүүчү цехке берилип, ошол боюнча негатив жасалып, андан сүрөт жана фоно&shy;грамма бир тасмага түшүрүлгөн позитив алы&shy;нат. Бул иштер киностудиянын кураштыруучу жана үн цехтеринде аткарылат. Телетасмалар да ушундай даярдалат.
[[Категория:4-том, 257-306 бб]]