«КЕСЕК ТОЮТ» барагынын кодун көрүү

<b type='title'>КЕСЕК ТОЮТ</b> – чөп өсүмдүктөрдөн даярдалган,
клетчаткасы көп (25–45%) кургак тоют. Ага
чөп, саман, топон, бүчүр ж. б. кирет. Мал кыш&shy;кы тоют рационунун жарымына жакын тоют бирдигин ж-а аш болумдуу протеинди К. т-тан алат. Жаш малдын тоют сиңирүүчү органдарын
өөрчүтүү үчүн аларды жаш кезинен эле К. т-ка
үйрөтөт. Чөптүн аш болумдуулугу жогору. Мис., 100 <i>кг</i> кара беде, кашка беде, эспарцеттин ж-а кызыл от чөптөрүндө 50дөн ашык тоют бирди&shy;ги бар. Чанактуу, кылкандуу чөптүн түрлөрү минерал заттарга, углеводдорго ж-а протеинге бай. Гумендик тоюттардан кылкандуу эгиндин саманы аш болумдуу келет. 100 <i>кг</i> буудай сама&shy;нында 22, сулуунукунда 31, таруунукунда 40 тоют бирдиги бар. Күздүк эгиндерге караганда жаздык эгиндин саманы аш болумдуу келет. Саманды нымдап, минерал туздарды кошсо, мал жакшы жейт. Рациондогу К. т-тун өлчөмү мал&shy;дын түрүнө, жашына ж-а кунардуулугуна жа&shy;раша белгиленет.
[[Категория:4-том, 257-306 бб]]