«КАНОН (көркөм өнөрдө)» барагынын кодун көрүү

<b type='title'>КАНО&#769;Н</b> (грекче kanоn – норма, эреже– чен-өлчөм) – көркөм сүрөт өнөрүндө – көркөм чыгарманын <i>колорит</i> жана <i>композиция</i> нормаларын – анын пропорциялар системасын же иконографияны белгилөөчү так калыптанган эрежелердин жы&shy;йындысы. Ал ошондой эле нормативдик үлгү болуп кызмат кылган чыгарма деп да аталат. Канондун теориялык негизин байыркы грек айкелчиси Поли&shy;клет «Канон» аттуу чыгармасында (биздин заманга чейинки V кылым) иштеп чыккан. Алгачкы Канон адам денесинин про&shy;порцияларынын төп келишкен үлгүсүн түшүндүргөн. Динге байланышкан канон системасы Чы&shy;гыштын, Африканын, Американын байыркы маданиятында, Европанын жана Азиянын орто кылым искусствосунда кеңири тараган. Канон көркөм чыгар&shy;манын сан-түзүмдүк модели болуп эсептелет; музыкада – обон (бир же бир нече) өзү менен өзү контрапункт түзүүчү полифониялык форма. Техникалык жактан көбүнчө тууроого негизделет. Канон добуш&shy;тарынын саны чектелбегендигине карабастан 2–4 үндүү болот.
[[Категория:4-том, 51-100 бб]]