«КАРТАЮУ» барагынын кодун көрүү

<b type='title'>КАРТАЮУ</b> – организмде жашка жараша закон
ченемдүү өзгөрүүлөр жүрүп, анын ыңгайлануу мүмкүнчүлүктөрүнүн акырындап төмөндөшү. К-да адамдын териси жукарып, бырыш кирип,
чачы агарат, түшөт, бою кичирейип, бүкүрөйөт. Адамдын ишке жөндөмдүүлүгү, психикасы ж. б.
өзгөрөт. Түрдүү ички ж-а сырткы жагымсыз фак&shy;торлор организмди тез картайтат (патол. кар&shy;таюу). Физиол. К-нун алгачкы белгилери 60 жаштан кийин пайда боло баштайт. К. процес&shy;си ар кайсы органдар м-н ткандарда ар башка мезгилде жүрөт. Улгайгандарда орган м-н сис&shy;темалардын функциясы акырындап төмөндөйт, көздүн тунук кабыгынын тунаруусу күчөп, <i>ка&shy;таракта</i> пайда болот, көрүү начарлайт, кулак каңырыштайт. Көкүрөк деформацияга учурайт (кифоз). Булчуңдардын күчү начарлайт, нерв, жүрөк-кан тамыр системасында өзгөрүүлөр бай&shy;калат. Борб. нерв системасынын атеросклеро&shy;зунан болгон өзгөрүүлөрү акыл-эстин, мээнин начарлашына алып келет. <i>Кан басымы</i> бир аз жогорулайт, жүрөктүн кагуусу жайлайт. Улгай&shy;ган сайын тамак сиңирүүчү ферменттердин ак&shy;тивдүүлүгү, май, амин к-таларын, глюкозаны сиңирүү начарлап, боор иши төмөндөйт. Тиш&shy;тер саргарып, түшөт. Аялда <i>этек кир</i> токтойт, эркекте <i>сперматозоиддерди</i> чыгаруу начарлайт. Муунда кыймыл азайып, <i>остеопороз, остеохон&shy;дроз</i> пайда болот. К-ну ар түрдүү өнөкөт оору&shy;лар тездетет. Ошондуктан оорулардын алдын алуу эрте К-ну кечеңдетет. К-нун өөрчүшүндө <i>тукум куугучтук</i> чоң мааниге ээ. Жашы өткөн адамдарга гимнастика, туура тамактануу маа&shy;нилүү, себеби анда энергия азыраак жумшалып,



зат алмашуу басаңдайт. Ошондуктан фермент&shy;тик системаларга күч келтирбей, тамакты аз ичүү керек.
[[Категория:4-том, 154-203 бб]]