«КАП ҮҢКҮРҮ» барагынын кодун көрүү

<b type='title'>КАП ҮҢКҮРҮ</b> – Россиядагы Түштүк Уралдын ба&shy;тыш капталындагы эң ири карст үңкүрү; табият, тарых жана маданият эстелиги. Шульганов (башка аты Гадельгареев) кыштагында, Ак (Белая) суусу&shy;нун оң жээгинде. Үңкүр акиташ жанаа доломит тектеринин арасында пайда болуп, 14 <i>м</i> келген тик кудук аркылуу туташкан ири оюктардан жана кенен коридорлордон турат. Алар эки ярус&shy;ка жайгашып, жалпы узундугу 2 <i>км</i>ден ашык. Ду&shy;балга таш доорунун аягында тартылган сүрөттөр төмөнкү, үстүнкү ярустарда тең кездешет. Ма&shy;монт, жылкы, керик, бизон жана башкалардын 50дөн ашык сүрөттөрү, геометриялык формалар кызыл охра менен тартылып, каралжын сыя көк-күрөң, кара боёктор пайдаланылган. Сүрөттөр түрдүү масш&shy;табда берилген. 50 <i>м</i><sup>2 </sup>аянтта маданият катмары табылган. Казуу учурунда таш менен сөөктөн жа&shy;салган буюмдар (анын ичинде курал-жарактар жана жа&shy;салгалар), ылайдан жасалган чырак, сүрөттөр тартылган дубалда охрага окшош минералдык боёктордун таарындылары табылып, байыркы убакта дубалдан кулаган акиташта жаныбар&shy;дын (болжолу мамонттун) сүрөтү тартылган фрагмент сакталган.

[[File:КАП ҮҢКҮРҮ42.png | thumb | Үңкүрдөгү дубалга тартылган сүрөттөр.]]


Ад.: <i>Кудряшов И. К.</i> Путеводитель по Каповой пе&shy;щере. Уфа. 1969; <i>Широков В. Н.</i> Искусство под сво&shy;дами пещер // Культовые памятники горно-лестного Урала. Екатеринбург, 2004; Капова пещера //Большая Российская Энциклопедия, Т. 13. М., 2009.
[[Категория:4-том, 51-100 бб]]