«ЖИГИТОВ» барагынын кодун көрүү

<b type='title'>ЖИГИТОВ</b> '''Салижан''' (17. 3. 1936, Ош облусу, Өзгөн району, Көлдүк айылы – 11. 2. 2006, Бишкек) – адабиятчы, акын, энциклопедиячы ж-а коом&shy;дук ишмер, филология илимдеринин доктору (1992),

[[File:ЖИГИТОВ29.png | thumb | none]]КРдин илим ж-а техника боюнча мамлекеттик сыйлыгынын лауреаты (1994), профессор (1999), Кыргыз эл жазуучусу (2005). КМУнун филология факультетин (1959), Кыргыз ССР ИАнын аспи&shy;рантурасын (1965) бүтүргөн. Эмгек жолун 1959-ж. мек&shy;тепте мугалимдиктен баш&shy;таган. 1961–62-жылдарда Кыргыз ССР ИАнын тил ж-а ада&shy;бият ин-тунда кенже ил. кызматкер, сектор башчысы, 1966–73-жылдарда КМУнун окутуучусу, 1974–78-жылдарда Кыргыз совет эн&shy;циклопедиясында башкы редактордун орун ба&shy;сары, 1978–92-жылдарда кайрадан тил ж-а адабият институтун&shy;да сектор башчысы, 1992–93-жылдарда КРдин Прези&shy;дентинин кеңешчиси, 1993-жылы КРдин Өзбекстан&shy;дагы атайын ж-а ыйгарым укуктуу элчиси, 1996–2000-жылдарда Кыргыз-Түрк «Манас» университетинин проректору, 2000-жылдан коомдук институттун ди&shy;ректору болуп иштеген. Алгачкы ырлары, сын макалалары 1950-жылдары чыга баштаган. Ыр&shy;лары сезимталдыгы, ачык-айрымдыгы м-н өзгөчөлөнөт. Ал көркөм пародиянын да чебери болгон. 1971-жылы «Ыймандай сырым менин» ат&shy;туу алгачкы ыр жыйнагы жарык көргөн. «Ыр&shy;лар жана жылдар» (1972), «Жаңычылык жо&shy;лунда» (1975), «Көркөм сөз маселелери» (1982), «Кечээкинин сабактары, бүгүнкүнүн талаптары» (1990) адабий сын макалалар жыйнактары бар. «20-жылдардагы кыргыз адабияты» (1994), «Об&shy;ретение новых традиций» (1994), «Акындын экинчи өмүрү» (1998) монографияларында кыр&shy;гыз жазма адабиятынын жаралуу, калыптануу ж-а өнүгүү маселелерин, фольклор м-н адабияттын карым-катышын, көркөм адабияттын коомдук тур&shy;муштагы ордун, поэзиядагы салттык ж-а жаңы көрүнүштөрдү, ошондой эле бир катар кыргыз акын, жазуучуларынын (А. <i>Осмонов</i>, С. <i>Карачев</i>, К. <i>Ты&shy;ныстанов</i> ж. б.) чыгармачылыгын изилдеп, калыс баа берген. Жигитов кыргыз элинин тарыхындагы ал&shy;гачкы көп томдуу улуттук-универсал энцик&shy;лопедияны чыгарууга, энциклопедиялык стил&shy;дин калыптанышына зор эмгек сиңирген. Өт&shy;көөл мезгилдеги өлкөнүн коомдук-саясий тур&shy;мушунун орчун маселелери жөнүндө макалалар&shy;ды, ошону м-н катар адабият тарыхын жаңыча тал&shy;дап-түшүнүүгө арналган бир нече эмгек жаз&shy;ган. «Күн тууду» («Ит икаясы») повестинин автору. Ал А. де Сент-Экзюпери, Н. Хикмет, М. Каримдин чыгармаларын кыргыз тилине ко&shy;торгон.

Ад.: <i>Жумабаев И.</i> Салижан Жигитов // Кыргыз адабият таануу илими жана сыны. 2 томдук. Т. 2. Б., 2005.

<i>И. Жумабаев.</i> 
[[Категория:3-том, 327-448 бб]]