«ИТИЙ» барагынын кодун көрүү

<b type='title'>ИТИЙ</b> – жаш балдардын организмде Д витами&shy;ни жетишпегенде фосфор-кальций алмашуу&shy;нун бузулушу м-н мүнөздөлгөн оорусу. Көбүнчө 2–3 айдан 2–3 жашка чейинки балдар ооруйт. И-ге демейде ара төрөлгөн, начар, тежемел ба&shy;гылган балдар учурайт. Баланы туура эмес та&shy;мактандыруу, таза абада ж-а күндө аз болуу ага түрткү болот. О. эле баланын түрдүү оорулар м-н көп оорушу, кош бойлуу эненин туура эмес эс алышы ж-а туура эмес тамактануусу да себеп болушу мүмкүн. Бул учурда фосфор ж-а каль&shy;ций минерал туздарынын алмашуусу абдан бу&shy;зулат. Кальций ичегиде сиңбей, сөөктө чогулу&shy;шу бузулуп, сөөк тканынын ичкеришине ж-а жумшарышына, нерв системасынын, ички ор&shy;гандардын ишинин бузулушуна алып келет. И.
м-н ооруган бала коркок болуп, чыргоолонот, начар уктайт, көп тердейт, тердеген жери кы&shy;чышып, башын жаздыкка сүргүлөйт, желке&shy;синин чачы түшүп, такыраят. Курсагы чоңоёт, ичи катат же өтөт. Булчуң күчү начарлайт, кеч отуруп, кеч басат. Сөөктүн жумшарышынан ж-а булчуң ишинин бузулушунан көкүрөгүнүн формасы өзгөрөт. Тиши кеч жарылып, туура эмес чыгат. Отура баштаганда омуртка тутуму кыйшаят. Ал омуртка тутумунун ж-а буттун кыйшайышына, тамандын жал пайышына, жамбаш сөөгүнүн бузулушуна алып келет. И. болгон балдарга түрдүү жугуштуу оорулар тез жугат. Ошондуктан оорунун белгиси билинери м-н врачка кайрылуу зарыл. И-ди алдын алуу&shy;ну бала курсакта кезде эле баштоо сунуш кы&shy;лынат. Болочок эне таза абада көп болуп, туу&shy;ра эс алышы ж-а тамактануусу талапка ыла&shy;йык. Дарылоодо Д витаминин башка дарылар м-н кошо берүү, туура тамактандыруу чоң маа&shy;ниге ээ. 
<p align='right'><i type='author'>Д. К. Кудаяров.</i></p>
[[Категория:3-том, 673-784 бб]]