«ЖҮРӨК КЕМТИГИ» барагынын кодун көрүү

<b type='title'>ЖҮРӨК КЕМТИГИ</b> – жүрөктүн ж-а
анын клапандарынын ишинин бу&shy;зулушу. Ж. к-нин тубаса ж-а кийин пайда бол&shy;гон түрү бар. Жүрөктүн тубаса кемтиги түйүл&shy;дүктүн өөрчүү мезгилинде жүрөк ж-а ири кан тамырлардын туура эмес калыптанышынан ке&shy;лип чыгат. Мында клапандардын кемтигинен башка дүлөйчөлөр м-н карынчалардын орто&shy;сундагы капталдарда да тешик болушу мүмкүн. Анда кандын бир бөлүгү жүрөктүн сол жагы&shy;нан оң жагына өтүп, вена каны м-н арала&shy;шып, кайра өпкөгө кетет же өпкөгө барбай эле жүрөктүн сол карынчасына, андан толтого барат. Натыйжада ткандарда кычкылтек м-н камсыз кылуу бузулуп, жүрөккө күч келет. Тубаса Ж. к. м-н жабыркагандар начар чоңо&shy;юп, эмгекке жарамдуулугу төмөн болуп, жугуш&shy;туу ж. б. ооруларга көп чалдыгат. Кийин пайда болгон Ж. к-н түрдүү оорулар – кызыл жүгүрүк, котон жара, атеросклероз пайда кы&shy;лат. Адегенде бул оорулардан жүрөк клапанда&shy;рынын ткандары сезгенип, азыктанышы бузу&shy;лат. Жүрөк клапандарынын формасы өзгөрүлүп, жүрөк камераларынын ортосундагы клапандар&shy;дын иши начарлап, тешиктер толук жабылбай калат. Ткань катууланып, аны м-н бирге вена ж-а артериялардын чыга бериш жери тарыйт.


Кызыл жүгүрүктө көбүнчө 2 жапкактуу клапан жабыркап, анын жапкактары жабышып, жүрөк камераларынын ортосундагы тешиктер бүтөлөт да, кандын жүрүшүнө тоскоол кылат, кандын айланышы бузулат. Бул жүрөктүн ишин кыйындатат ж-а булчуңун чарчатат (стеноз). Кээде бир нече жапкактары жабыркайт. Бул учурда жүрөк күч м-н иштегендиктен, жүрөктүн ичи кеңеет, булчуңдары калыңдайт. Оору күчөгөндө, жүрөктүн мүмкүнчүлүктөрү азайып, анын иштеши начарлайт ж-а жүрөктүн же&shy;тишсиздигине алып келет. Ал жүрөктү тың&shy;шоо, каккылоо ж-а рентген, электр-кардиогра&shy;фия жасоо м-н аныкталат. Дарылоо анын түрүнө жараша жүргүзүлөт ж-а жүрөктүн иштешин жакшыртууга, кан айланууну калыбына кел&shy;тирүүгө багытталат. Ж. к-н хирург. жол м-н дарылоо медицинанын жетишкендиги болуп эсептелет. Алдын алууда көп учурда бул ооруга алып келүүчү ревматизм ж. б. оорулардын ал&shy;дын алуу керек. Боюнда бар аялдын ден соо&shy;лугун коргоо (жугуштуу оорулуу м-н жолукпоо, ичкилик ичпөө, тамеки чекпөө, өз алдынча ар кайсы дарыларды колдонбоо) тубаса Ж. к-н алдын алууда чоң мааниге ээ. [[Категория:3-том, 327-448 бб]]