«ДЕЛАКРУА Фердинанд Виктор Эжен» барагынын кодун көрүү

'''ДЕЛАКРУА''' '''Фердинанд Виктор Эжен''' (26. 4. 1798, Сен-Морис, Парижге жакын – 13. 8. 1863, Париж) – француз живописчиси жана графиги.1816–1822-жылдары П. Н. Герендин өнөрканасында окуп жүрүп, мурдагы чеберлерден (айрыкча ''П. П. Ру&#xAD;бенстен'') таалим алган. Делакруа ''романтизм'' жолуна түшүп, бара-бара ал мектептин башында ту&#xAD;руп, прогрессчил жактарын уланткан. 1822-жылы «Данте менен Вергилий» (Лувр, Париж) аттуу сүрөтүн көргөзмөгө койгон. «Хиостогу бычакта&#xAD;шуу» (1823–1824, Лувр) сүрөтүндө гректердин жапа чегишин тереӊ драматизм менен көрсөтсө, «Грекия Миссолунгинин урандысында» (1827) гректердин азаттык үчүн күрөшүн баяндайт. Делакруа 1831-жылы Улуу француз революциясынын темасына 2 сүрөт («Буасси д’Англа Конвентте», «Мирабо жана Дрё-Брезе»), согуш темасына «Пуатьеге жакын жердеги салгылашуу» (1830), «Нансинин жанындагы салгылашуу» (1831–1834) жана башкалар, ошондой эле «Мароккодогу еврейдин үйлөнүү тою» (1839), «Араб комедиячылары» (1848) жана башка чыгарма&#xAD;ларды тарткан. Ал монументтүү живопись тар&#xAD;магында да көп эмгек сиӊирген. Делакруанын чыгармачы&#xAD;лыгы XIX кылымдагы дүйнөлүк живописте тереӊ из калтырган.

[[File:ДЕЛАКРУА68.png | thumb | Э. Делакруа. «Ат токуп жаткан марокколук». 1855. Эрмитаж. Санкт-Петербург.]]


[[Category: 3-том, 5-85 бб]]