«ДАН ЖАНА ДАН АЗЫКТАРЫНЫН ЗЫЯНКЕЧТЕРИ» барагынын кодун көрүү

'''ДАН ЖАНА ДАН АЗЫКТАРЫНЫН ЗЫЯНКЕЧТЕРИ''' , к а м п а  з ы я н к е ч т е р и – сактоо ж-а ташуу учурунда данды, анын азыктарын бүлдүрүп, жок кылуучу жаныбарлар. Зыянкеч&shy;тердин 100дөн ашык түрү бар. Алар: жөргөмүш сымалдар (кээ бир кенелер), курт-кумурска (ай&shy;рым коӊуздар м-н көпөлөктөр), куштар (кээ бир көгүчкөндөр м-н таранчылар), сүт эмүүчүлөр (чычкан сымал кемирүүчүлөр). КМШ өлкөлөрүн&shy;дө ун кенеси, кампа шиш тумшугу, коӊуз, дан көӊдөйлөгүч, буурчак данчысы, кампа күбөсү, таранчы, чычкан, келемиш ж. б. өтө коркунуч&shy;туу. Булар дан м-н дан азыктарын коротуп, са&shy;патын начарлатып, булгайт, үрөндүн өнүмдүү&shy;лүгүн төмөндөтөт. Келемиш м-н чычкан кампа курулушун, шаймандарды ж-а жасалганы да бүлдүрөт, чума, холера, күлапса ж. б. оорулар&shy;ды жайылтат. Күрөшүү чаралары: алдын алуу ж-а жок кылуу.
[[Category: 3-том, 5-85 бб]]