«БАЛЫКЧЫ» барагынын кодун көрүү

'''БАЛЫКЧЫ '''(1954-89-ж. Р ы б а ч ь е, 1989- 92-ж. Ы с ы к к ө л, 1992-жылдан адепки аты Балыкчы кайтарылган) - Ысыккөл обл-ндагы шаар. Ысыккөлдүн батыш жээгинде, деңиз деңг. 1620-1640 ''м'' бийиктикте жайгашкан. Республи&shy;канын борбору Бишкек ш-нан 175 ''км'' чыгыш тарапта. Калкы 41,3 миң (2005). Шаар Ысыккөлдүн жээгин бойлой 12 ''км'' ге созулуп жатат. Климаты континенттик, кургак. Январдын орт. темп-расы -4<sup>е</sup>С...-6'’С, жайы ысык, июлдун орт. темп-расы 20'С. Жылдык жаан-чачын өтө аз (115 ''мм'') түшүп, кышында кар жатпайт. «Улан» шамалы жылына орто эсеп м-н 20-60 күндөй, айрым жылдары 40-100 күнгө чейин созулуп,
<br>
ылдамдыгы 40 ''м/сек'' га жетет. Калкы көп улут&shy;туу: кыргыз, орус, украин, казак, уйгур, татар, дуңган, өзбек ж. б. улут өкүлдөрү да жашайт. Ири ишканалары: «Ысыккөл даназык», «Ал&shy;тындан», «Каухарташ», «Ынтымак», «Калем&shy;гер», «Көгойрок» акционердик коомдору. «Ак&shy;кеме» акционердик коому Кырг-ндагы суу транспорту үчүн кемелерди куруу ж-а оңдоо б-ча жалгыз ишкана. Шаар - автомобиль, темиржол, суу жолдор тоому. Б. аркылуу Бишкек - Нарын - Торугарт, Бишкек - Каракол (Күнгөй ж-а Тескей аркылуу) мамл. маанидеги автомобиль жолдору өтөт. Луговой - Бишкек - Балыкчы темиржолунун аяккы пункту. Нефть базасы иштейт. Ал Ысыккөл, Нарын обл-тарын күпүүчү-майлоочу май м-н камсыз кылат. «Кум&shy;төр Оперейтинг Компани» ишканасын күйүүчү&shy;майлоочу май м-н камсыз кылуучу жаңы нефть базасы курулган. Көл аркылуу оор жүк ташуу кыскарган. Негизинен көлгө зыян келтирбеген жүктөр ташылат. Шаарда ири кампа, базалар да иштейт. Балыкчы социалдык-экон. ин-ту (менчик), тогуз орто, башталгыч, спорт, муз. мектептер, балабакча, үйбүлөлүк тарбиялык борбор, мектепке чейинки пилоттук мекеме, кесиптик-тех. окуу жайы, техникум, коллеж, 13 китепкана, 6 клуб бар. Шаардык оорукана, үйбүлөлүк медицина борбору, тиш поликлиникасы, санитария-эпидемиологиялык станция, 3 үйбүлөлүк дарыгерлер тобу иштейт.
''К. Кулназарова''. [[Category: 2-том, 1-69 бб]]