«ВИННИПЕГ (шаар)» барагынын кодун көрүү

'''ВИ&#769;ННИПЕГ '''– Канаданын түштүгүндөгү шаар. Манитоба провинциясынын административдик борбору. Кал&shy;кы 632,9 миң (2006). Ред-Ривер ж-а Ассинибойн дарыяларынын кошулган жеринде жайгашкан. Ири жол&shy;дор тоому (шаар аркылуу трансканада темир ж-а автомобиль магистралдары өтөт). Эл аралык аэропорту бар. Шаар 1873-жылы негизделген. Виннипег – билим берүүчү ири борбор. Университеттер, музейлер (анын курамында планетарий), заманбап искусст&shy;во галереясы ж. б. бар. Театрлар (анын ичинде Виннипег ко&shy;роль балети, 1939; Манитоба театр борбору ж. б.) иштейт. Жыл сайын театр фестивалы өткөрүлөт. Этностук маданий борборлору (украина, индей, кытай, еврей ж. б.) бар. Виннипег – өлкөнүн дан эгиндүү аймагынын ири борбору «буудай борбо&shy;ру» – Виннипег дан биржасы (өлкөдөгү жал&shy;гыз, Түндүк Америкадагы ири), Канада эгин комитети&shy;нин, Буудай өндүрүүчүлөрдүн бириккен ассо&shy;циациясынын штаб-квартираларын камтыйт. Айыл чарба машиналарын куруу өнүккөн. Нефть ажы&shy;ратуу, полиграфия, тигүү (фермерлер үчүн жумушчу кийим), тамак-аш (эт, сүт, ун, кондитер азык&shy;тары, пиво кайнатылат) өнөр жай ишканалары иштейт. 
[[Category: 2-том, 500-554 бб]]