«ГРАФИТ» барагынын кодун көрүү

'''ГРАФИ&#769;Т ''' (нем. Graphit, гр. grfpho – жазам) – минерал, көмүртектин (С) жер кыртышында кеӊири таралган ж-а эӊ туруктуу полиморфтуу модификациясы. Гексагон сингониясында кристаллданат. Кабатчалуу түзүлүштө. Өӊү темирдей кара, бозомук. Металл сымал жалтырайт. Катуулугу ''Моос шкаласы'' б-ча 1–2 (катмарланганда 5,5); тыгыздыгы 2,2 ''г/см''<sup>3</sup>. Отко чыдамдуу, электр тогун жакшы өткөрөт. Кислотага туруктуу. Кагазга жазылат, колго оӊой жугат. Г. жер бетинде кеӊири тараган ж-а көп учурда анын ири жыйындысы (кени) пайда болот. Г. пегматит, скарн ж-а жанар тоо тектеринде жогорку темп-ранын таасиринен пайда болот. W, Au м-н бирге кварц тарамдарында, орт. темп-ралуу коргошун-цинк кендеринде ж. б. кезигет. Бирин-серин кабырчык ж-а калыӊ катмарлар түрүндө метаморфизмделген тоо тектерде, тарамдар – гнейстерде кеӊири тараган. Ал метеориттердин курамында да болот. Түзүлүшү б-ча айкын кристаллдуу ж-а көмүскө кристаллдуу Г. болуп бөлүнөт. А й к ы н к р и с т а л л д у у Г-тин кендери ''магма тоо тектери'' же ''кристаллдуу сланецтерге'' байланыштуу. Мында кенташ Г-тин көз м-н же микроскоптон көрүнүүчү ири кристаллдарынан турат. Кристаллдуу сланецтердеги Г-дин өлчөмү 3–20%, кээде андан да ашат. Бул кендерден Г. флотация жолу м-н бөлүнүп алынат. К ө м ү с к ө к р и с т а л л д у у Г-тин кендери көмүрдүн метаморфизмделишинен пайда болот. Кенде көмүртек 60–85%ке жетип, Г. кенташ кабаттарынан түздөн-түз алынат. Г. жасалма жол м-н да алынат. Г. отко чыдамдуу материалдарды даярдоодо, калем жасоодо, басмаканa боёкторун ж-а кытай тушун алууда, электр-техникада, атом өнөр жайында ж. б-да кеӊири колдонулат.
[[Category: 2-том]]