«ГИМН» барагынын кодун көрүү

'''ГИМН ''' – салтанаттуу ыр. Тарыхта мамлекеттик, революциялык, аскердик, диний, тарыхый окуялар менен баатырларга арналган Гимндер белгилүү. Байыркы Грекияда Гимндер кудайлардын урматына жазылган. Биздин заманга чейинки VII–V кылымдарда Алкей, Алкман, Пиндар сыяктуу акындар Гимн жазган. Алардан бизге «Гимн» деген ат менен эпикалык баяндоо түрүндөгү ыр-чыгармалар келип жетти. Француз революциясы жаӊы революциячыл Гимнди («Марсельеза»), революциячыл пролетариат өз Гимнин («Интернационал») жараткан. «Интернационал» 1944-жылдын 1-январына чейин СССР мамлекеттик Гимни болуп келди. СССРдин кийинки Гимни 1944-жылы жазылган жана 1977-жылы кайрадан редакцияланган (сөзү С. Михалков менен Г. Эль-Регистандыкы, музыкасы А. В. Александровдуку). Гимн жанры хор, опера жана симфония чыгармаларында да учурайт. Бардык мамлекеттердин өздөрүнүн Гимндери бар. СССРдин курамында турганда Кыргыз ССРинин да мамлекеттик Гимни (тексти А. Токомбаевдики, музыкасы А. Малдыбаев, В. Ференики) болгон. Эгемендүү Кыргыз Республикасынын мамлекеттик Гимни 1992-жылы 18-декабрда кабыл алынган, к. ''Кыргыз Республикасынын мамлекеттик символдору.''
[[Файл:Гимн 1.png|left|thumb|442x442px]]
[[Category: 2-том]]