«ГЕЛЬМИНТТЕР» барагынын кодун көрүү

'''ГЕЛЬМИНТТЕР ''' (гр. hеlmins, hеlminthos – курт) – адамда, жаныбарда ж-а өсүмдүктө ''гельминтоздорду'' козгоочу мите курттар. Гельминттердин 12 миӊден ашык түрү белгилүү. Аларга ''жалпак курттар, жумуру курттар'' же нематоддор, тикен курттар, ''муунак курттар'' кирет. Өөрчүү циклине жараша биогельминттер ж-а геогельминттер болуп бөлүнөт. Биогельминттер Гельминттердин жумурткасы ж-а личинкасы аралык ээсинин – киши же жаныбар ж-а акыркы ээсинин организминде жетилет. Гельминттердин личинкасынын инвазия стадиясы (адамдын организминде мителик кылганга чейин) ээсинин организминен сырткары, демейде топуракта өтөт. Кишиге Гельминттердин жумурткасы же личинкасы булганган тамак м-н жугат; кээ бир түрлөрүнүн личинкалары тери аркылуу (анкилостомиддердики) же курт-кумурска чакканда жугат. Гельминттер суткасына миӊдеген ж-а он миӊдеген жумуртка же личинка таштайт. Алар бүт жер бетине тарап, адамдын ден соолугуна, жаныбарларга ж-а өсүмдүктөргө зыян келтирет. Гельминттерди ж-а алар козгогон гельминтоздорду ''гельминтология'' изилдейт.
[[Category: 2-том]]