«ВАЛЕНСИЯ (Венесуэладагы шаар)» барагынын кодун көрүү

'''ВАЛЕ&#769;НСИЯ ''' – Венесуэланын түндүк бөлүгүндөгү шаар, Карабобо штатынын административдик борбору. Калкы 1,4 млн (2006; агломерациясы менен 1,8 млн); калкынын саны боюнча өлкөдөгү 3-шаар. Валенсия көлүнүн батыш жээгине жакын жайгашкан. Пуэрто-Кабельо (Кариб деӊизи) порту жана Каракас шаары менен темир жол аркылуу байланышат. Аэропорту бар. 1555-жылы негизделип, Валенсия провинциясынын атынан аталган. Архитектура эстеликтери: собор (1813–49), көпүрө (1819–19). Университет борбордук китепканасы менен иштейт. Иштетүүчү өнөр жайдын Каракастан кийинки 2-борбору. Венесуэланын ири индустриялуу зонасына (Каракас – Маракай – Валенсия) кирет. Өлкөдөгү автомобиль куруунун башкы борбору («Даймлер–Крайслер», «Форд мотор», «Женерал моторс», «Рено» компанияларынын филиалдары). Тамак-аш, жеӊил (текстиль, булгаары-бут кийим), химия, (фармацевтика), нефть-химия (жасалма каучук, резина-техника), цемент, айнек жана целлюлоза-кагаз өнөр жайлары бар.
[[Category: 2-том]]